జాబ్ చేస్తూ సెలవులకు ఇంటికొచ్చిన భర్త.. భార్య సెక్స్‌కు నిరాకరించడంతో..

భార్యాభర్తల మధ్య గొడవలు సహజమే.. సంసారంలో చిన్న, చిన్న కారణాలతో తిట్టుకొన్నా మళ్లీ ఒక్కటైపోతుంటారు. కానీ ఉత్తరప్రదేశ్‌కు చెందిన ఓ వ్యక్తి మాత్రం అలా కాదు.. భార్య సెక్స్‌కు నిరాకరించిందని దారుణంగా చంపేశాడు. తర్వాత తన మర్మాంగాన్ని కోసుకొని ఆత్మహత్యకు ప్రయత్నించాడు. పక్కింటివాళ్లు ఆస్పత్రిలో చేర్చడంతో చావుతో పోరాడుతున్నాడు.

సిద్ధార్థనగర్ జిల్లాలోని ఓ గ్రామానికి చెందిన హసన్‌కు ఏడాది క్రితం వివాహయ్యింది. గుజరాత్‌లోని సూరత్‌లో ఉద్యోగం చేస్తున్న అతడు.. రెండు రోజుల క్రితమే సొంత ఊరికి వచ్చాడు. భార్యతో మాట కలిపిన హసన్.. ఆమెను దగ్గరకునేందుకు ప్రయత్నించాడు. భార్యా మాత్రం భర్తను దూరంగా పెట్టింది. తర్వాత భార్యతో శృంగారానికి ప్రయత్నించగా.. ఆమె ఒప్పుకోలేదు. కోపంతో రగిలిపోయిన హసన్ ఆవేశంలో ఇంట్లో ఉన్న కత్తి తీసి ఆమెను పొడిచాడు. ఆమె రక్తపు మడుగులో పడి ప్రాణాలు కోల్పోయింది.

భార్య చనిపోవడంతో కంగారుపడిన హసన్.. వెంటనే కత్తి తీసుకొని తన మర్మాంగాన్ని కోసేసుకున్నాడు. రక్తపు మడుగులో పడి ఉన్న భార్యాభర్తల్ని గమనించి స్థానికులు.. వెంటనే పోలీసుకుల సమాచారం ఇచ్చారు. అప్పటికే భార్య చనిపోగా.. కొన ఊపిరితో ఉన్న హసన్‌ను వెంటనే ఆస్పత్రికి తరలించారు. అతడి పరిస్థితి విషమంగా ఉందని డాక్టర్లు చెబుతున్నారు. మరోవైపు హసన్ కట్నం కోసమే తన కూతుర్ని చంపాడని మ‌ృతురాలి తండ్రి ఆరోపించారు.