లైంగిక కోరిక తీర్చలేదని వదిన గొంతు కోసిన మరిది

తనతో అక్రమ సంబంధానికి ఒప్పుకోలేదన్న కోపంతో ఓ వ్యక్తి అన్న భార్యపైనే హత్యాయత్నం చేసిన ఘటన బిహార్‌లో కటోరియా జిల్లాలో చోటుచేసుకుంది. బంకా గ్రామానికి చెందిన వ్యక్తికి భార్య, 14ఏళ్ల కుమారుడు ఉన్నారు. కుటుంబ పోషణ కోసం అతడు కోల్‌కతాలో పనిచేస్తుండగా.. అతడి భార్య, పిల్లాడితో కలిసి గ్రామంలోనే ఉంటోంది.

Also Read: ప్రియుళ్లతో కూతురిని రేప్ చేయించిన తల్లి... ఏడాదిగా దారుణం

ఒంటరిగా ఉంటున్న ఆమెపై మరిది(భర్త తమ్ముడు) త్రిపురారీ యాదవ్ కన్నేశాడు. దీంతో కోరిక తీర్చాలని, తనతో అక్రమ సంబంధం పెట్టుకోవాలని కొద్దిరోజులుగా ఆమెను వేధిస్తున్నాడు. తల్లిలాంటి తనను ఇలా వేధించడం సరికాదని ఎన్నిసార్లు చెప్పినా ఆ కామాంధుడు వినిపించుకోవడం లేదు. ఈ విషయం భర్తకు చెబితే ఏం జరుగుతుందోనని తనలోనే దాచుకుంది. శుక్రవారం రాత్రి ఆమె ఇంట్లోకి దొంగతనంగా దూరిన త్రిపురారీ లైంగిక కోరిక తీర్చాలంటూ మరోసారి ఆమెను వేధించాడు.

Also Read: అత్తింట్లో నలుగురిని చంపి.. ఎన్‌కౌంటర్ భయంతో ఉరేసుకున్న ఉన్మాది

దానికి నిరాకరించిన బాధితురాలు అతడిని గట్టిగా వెనక్కి నెట్టేసింది. దీంతో ఆగ్రహంతో ఊగిపోయిన త్రిపురారీ పదునైన కత్తితో ఆమె గొంతు కోసి పరారయ్యాడు. బాధితురాలి కేకలు విన్న స్థానికులు వెంటనే అక్కడికి చేరుకుని ఆమెను ఆస్పత్రికి తరలించారు. ప్రస్తుతం ఆమె పరిస్థితి విషమంగా ఉన్నట్లు పోలీసులు చెబుతున్నారు. ఈ ఘటనపై పోలీసులు కేసు నమోదు చేసుకుని దర్యాప్తు చేపట్టారు. పరారీలో ఉన్న నిందితుడి కోసం గాలిస్తున్నారు.

Also Read: హైదరాబాద్‌లో సెల్ఫీ తెచ్చిన తంట.. పార్కులో యువతీయువకుల ఘర్షణ