హైదరాబాద్: అర్ధరాత్రి ప్రియుడి ఇంటికొచ్చిన మహిళ.. తెల్లారేసరికి శవమై

అక్రమ సంబంధం వ్యవహారంతో ఓ మహిళ దారుణ హత్యకు గురైన ఘటన హైదరాబాద్‌లోని ఉప్పల్‌ పోలీస్‌స్టేషన్‌ పరిధి చిలకానగర్‌లో జరిగింది. అంజయ్య అనే వ్యక్తి చిలకానగర్‌లో కుటుంబంతో కలిసి నివసిస్తున్నాడు. అతడికి రేణుక అనే మహిళతో కొన్నాళ్లుగా అక్రమ సంబంధం కొనసాగుతోంది. ఆదివారం భార్య పుట్టింటికి వెళ్లడంతో అంజయ్య తన ప్రియురాలిని ఇంటికి రప్పించుకున్నాడు.

Also Read: పరాయి మహిళపై మోజుతో భార్యనే కడతేర్చాడు.. సిద్దిపేటలో దారుణం

గదిలో ఏం జరిగిందో తెలీదు గానీ అంజయ్య, రేణుక మధ్య తీవ్ర వాగ్వాదం జరిగింది. దీంతో ఆవేశానికి గురైన అంజయ్య.. రేణుక తలపై బలంగా కొట్టి చంపేశాడు. అనంతరం ఉప్పల్ పోలీస్‌స్టేషన్‌కు వెళ్లి లొంగిపోయాడు. అంజయ్యపై కేసు నమోదు చేసిన పోలీసులు.. సంఘటనా స్థలాన్ని పరిశీలించి ఆధారాలు సేకరించారు. హత్యకు గల కారణాలు తెలియరాలేదని పోలీసులు చెబుతున్నారు.

Also Read: ఆరేళ్లుగా ప్రేమ.. ప్రియుడు పెళ్లికి నిరాకరించడంతో యువతి అఘాయిత్యం