పాపను స్కూల్ బస్సు ఎక్కించే క్రమంలో క్లీనర్‌తో ప్రేమలో పడిన వివాహిత.. తర్వాత?

ఇద్దరు అవివాహితుల మధ్య ప్రేమను సమాజం ఆమోదిస్తుంది, హర్షిస్తుంది. కానీ అప్పటికే పెళ్లయ్యి, స్కూలుకెళ్లే పాప ఉన్న మహిళ ప్రేమలో పడితే..? ఆమె ప్రియుడితో పారిపోవడానికి ప్రయత్నిస్తే..? చదవడానికే ఏదోలా ఉంది కదా.. కానీ తూర్పు గోదావరి జిల్లా అనపర్తిలో అదే జరిగింది. తన కూతుర్ని స్కూలు బస్సు ఎక్కించే క్రమంలో అనపర్తి పాత ఊరికి చెందిన వివాహితకు ఆ బస్సు క్లీనర్‌తో పరిచయమైంది. అది కాస్తా ప్రేమగా మారడంతో.. ఇద్దరూ కలిసి బతకాలని నిర్ణయించుకున్నారు.

ఊళ్లోనే ఉంటే కష్టమని భావించిన వారిద్దరూ ఎక్కడికైనా వెళ్లిపోవాలని నిశ్చయించుకున్నారు. మంగళవారం అర్ధరాత్రి సమయంలో ప్రియుడితో కలిసి పారిపోవడానికి ప్రయత్నించింది. కానీ ఈ వ్యవహారాన్ని పసిగట్టిన ఆమె తండ్రి వెంకటేశ్వర రావు మందలించాడు. దీంతో ఆగ్రహించిన ఆమె ప్రియుడు.. వెంకటేశ్వరరావు గొంతు కోసి అక్కడి నుంచి పారిపోయాడు. గాయపడ్డ వెంకటేశ్వర రావును హాస్పిటల్‌కు తరలించి చికిత్స అందిస్తున్నారు.