పెట్రోల్‌ పోసుకుని నిప్పంటించుకున్న యువకుడు.. సిరిసిల్లలో విషాదం

రాజన్న సిరిసిల్ల జిల్లాలో విషాద ఘటన చోటుచేసుకుంది. బట్టల షాపు యజమాని ఆత్మహత్యకు పాల్పడ్డాడు. ఒంటిపై పెట్రోల్ పోసుకుని నిప్పంటించుకున్నాడు. మంటల్లో కాలి బూడిదయ్యాడు. ఈ ఘటన సిరిసిల్ల పట్టణ శివారు బైపాస్ రోడ్డులో జరిగింది. అనంతనగర్‌కి చెందిన గాజుల జనార్ధన్ (32) పట్టణంలో బట్టల దుకాణం నిర్వహిస్తున్నాడు. ఇంటి నుంచి బయటికెళ్లిన జనార్ధన్ బైపాస్ రోడ్డులో ఒంటిపై పెట్రోల్ పోసుకుని నిప్పంటించుకున్నాడు. మంటల్లో ఒళ్లంతా కాలిపోయి మృత్యువాతపడ్డాడు. గమనించిన స్థానికులు పోలీసులకు సమాచారం అందించడంతో సంఘటన స్థలానికి చేరుకుని మృతదేహాన్ని పరిశీలించి పోస్టుమార్టానికి తరలించారు. కేసు నమోదు చేసి దర్యాప్తు చేపట్టారు. మృతుడికి భార్య ఉంది. ఆర్థిక ఇబ్బందుల కారణంగానే ఆత్మహత్య చేసుకుని ఉండొచ్చని పోలీసులు అనుమానిస్తున్నారు. పూర్తి వివరాలు తెలియాల్సి ఉంది.

Also Read: తల్లి తల నరికి తీసుకెళ్లిన కసాయి కొడుకు.. తెలంగాణలో కిరాతకం