ప్రేయసిపై అనుమానంతో గొంతుకోసిన ప్రియుడు.. చిత్తూరులో ఘోరం

చిత్తూరు జిల్లాలో దారుణ ఘటన చోటుచేసుకుంది. ప్రియురాలి ప్రవర్తనపై అనుమానం పెంచుకున్న ప్రియుడు ఆమె గొంతుకోసేసిన అమానుష ఘటన ఆలస్యంగా వెలుగుచూసింది. కుప్పం మండలం అడవిబుదుగురుకి చెందిన ఆనంద్.. అదే ప్రాంతానికి చెందిన యువతి ప్రేమించుకుంటున్నారు. కొద్దికాలంగా ప్రేయసిపై అనుమానం పెంచుకున్న ఆనంద్ తరచూ ఆమెతో గొడవపడుతున్నాడు. అర్ధరాత్రి 12 గంటల సమయంలో మరోమారు గొడవ జరగడంతో తీవ్ర ఆగ్రహానికి లోనయ్యాడు. మరొకరితో శారీరక సంబంధం పెట్టుకుందన్న నెపంతో ఘాతుకానికి పాల్పడ్డాడు. కత్తితో కిరాతకంగా గొంతుకోసేశాడు. ప్రియురాలి కేకలు విన్న స్థానికులు అప్రమత్తమై ఆమెను ఆస్పత్రికి తరలించారు. ప్రస్తుతం ఆమె పరిస్థితి విషమంగా ఉన్నట్లు తెలుస్తోంది. పోలీసులు నిందితుడిని అదుపులోకి తీసుకుని విచారణ జరుపుతున్నట్లు సమాచారం.

Also Read: ముగ్గురం ఎంజాయ్ చేద్దాం.. శోభనం రాత్రి వధువుకి షాక్