Hyderabad: పంజాగుట్టలో పట్టపగలే ఆటోడ్రైవర్ దారుణహత్య..

హైదరాబాద్‌లో ఆదివారం దారుణం జరిగింది. నగరంలో కీలక ప్రాంతమైన పంజాగుట్ట నాగార్జున సర్కిల్‌లో మీర్ రియాసద్ అలీ(40) అనే ఆటోడ్రైవర్ దారుణహత్యకు గురయ్యాడు. ఆదివారం ఉదయం కొందరు దుండగులు అలీని నడిరోడ్డుపై వెంబడిస్తూ కత్తులతో కిరాతకంగా నరికేశారు. తీవ్ర రక్తస్రావంతో ఆ వ్యక్తి అక్కడికక్కడే చనిపోవడంతో దుండగులు అక్కడి నుంచి పరారయ్యారు.

Also Read: మత ప్రచారకుడితో మాజీ ఎయిర్‌ హోస్టెస్‌ రాసలీలలు... వీడియో తీసి రూ.కోటి డిమాండ్

ఈ ఘటన పంజాగుట్ట పోలీస్‌స్టేషన్‌కు కూతవేటు దూరంలోనే జరగడం గమనార్హం. నడిరోడ్డుపై ఓ వ్యక్తి పరుగులు తీయడం వెనుకాల కొందరు కత్తులతో వెంబడించడం చూసిన స్థానికులు భయభ్రాంతులకు గురయ్యారు. జూన్ నెలలో పంజాగుట్ట పోలీస్‌స్టేషన్‌ సమీపంలోనే అహ్మద్ అనే ఆటోడ్రైవర్‌ను హత్యకేసిన కేసులో అలీ ప్రధాన నిందితుడిగా ఉన్నాడు. అప్పటి నుంచి జైలులో ఉన్న అతడు ఇటీవలే బెయిల్‌పై విడుదలయ్యాడు. ఈరోజు ఉదయం(అక్టోబర్ 20) 9 గంటల సమయంలో టీ తాగేందుకు నాగార్జున సర్కిల్‌కు వచ్చిన అలీని కొందరు దుండగులు కత్తులతో వెంబడించారు. డీవీఐఆర్‌టీ సిటీ సెంటర్ భవనం ఎదుట అతడిని ముట్టడించి కత్తులతో నరికి పారిపోయారు. తీవ్రరక్తస్రావంతో అలీ అక్కడికక్కడే ప్రాణాలు కోల్పోయాడు.

Also Read: రెండో భర్త సాయంతో మొదటి భర్త దారుణహత్య

హత్య సమాచారం తెలుసుకున్న వెంటనే పంజాగుట్ట పోలీసులు హుటాహుటిన అక్కడికి చేరుకుని దర్యాప్తు చేపట్టారు. మృతదేహాన్ని పోస్టుమార్టం నిమిత్తం గాంధీ ఆస్పత్రికి తరలించారు. ఆహ్మద్ హత్యకు ప్రతీకారంగానే అలీని చంపి ఉంటారని పోలీసులు అనుమానిస్తున్నారు. వెస్ట్‌జోన్ డీసీపీ సుమతి సంఘటనా స్థలాన్ని పరిశీలించి వివరాలు సేకరించారు.

Also Read: కండోమ్ లేకుండా సెక్స్ చేయాలంటూ వేధింపులు.. యజమానిపై సెక్స్ వర్కర్ల తిరుగుబాటు