ఉద్యోగానికెళ్లని భర్త.. ఉరేసుకున్న దంపతులు.. కాకినాడలో విషాదం

ఏడాదిగా భర్త ఉద్యోగానికి వెళ్లకపోవడంతో ఆర్థిక ఇబ్బందులు చుట్టుముట్టాయి. కాపురంలో కలహాలు రేగాయి. చివరికి అవే రెండు నిండు ప్రాణాలను బలితీసుకున్నాయి. తరచూ గొడవలు జరుగుతుండడంతో మనస్థాపానికి గురైన భార్యాభర్తలు ఉరేసుకుని ఆత్మహత్య చేసుకున్నారు. ఈ విషాద ఘటన తూర్పు గోదావరి జిల్లాలో చోటుచేసుకుంది.

కాకినాడ టౌన్ రాజేశ్వరి నగర్‌కి చెందిన దుర్గాప్రసాద్(53), పద్మావతి(43) భార్యాభర్తలు. వారికి ఇద్దరు కుమార్తెలు సంతానం. పెద్దకూతురికి వివాహమై బెంగళూరులో నివాసముంటోంది. చిన్నకూతురు రాధిక బీటెక్ చదువుతోంది. దుర్గాప్రసాద్ కాకినాడలోని ఓ ప్రైవేట్ కంపెనీలో ఉద్యోగం చేసేవాడు. ఏడాదిగా ఉద్యోగానికి వెళ్లకుండా ఇంట్లోనే ఖాళీగా ఉండడంతో ఆర్థిక ఇబ్బందులు మొదలయ్యాయి.

అదే విషయమై తరచూ భార్యాభర్తలు గొడవపడతుండేవారు. కుటుంబ కలహాలతో మనస్థాపానికి గురై అఘాయిత్యానికి పాల్పడ్డారు. చిన్నకూతురు రాధిక అమ్మమ్మ ఇంటికి వెళ్లిన సమయంలో దంపతులు ఇంట్లోనే ఉరి వేసుకుని ఆత్మహత్య చేసుకున్నారు. మరుసటి రోజు మధ్యాహ్నం సమయంలో ఫోన్ చేసినా ఎవరూ తీయకపోవడంతో కూతురు ఇంటికి వచ్చి చూసి షాక్‌కి గురైంది.

Also Read: మగ వ్యభిచారులతో శృంగారం.. కస్టమర్ డబ్బులు ఎగ్గొట్టడంతో..

తల్లి ఫ్యాన్‌కి వేలాడుతూ కనిపించడంతో ఆమె దిగ్భ్రాంతికి గురైంది. స్థానికులను పిలిచి విషయం చెప్పడంతో తలుపులు బద్దలుకొట్టి లోపలికి ప్రవేశించి చూడగా వంటగదిలో తండ్రి ఉరేసుకుని కనిపించాడు. సమాచారం అందుకున్న సర్పవరం పోలీసులు సంఘటన స్థలానికి చేరుకుని మృతదేహాలను పరిశీలించారు. ఆత్మహత్యపై ఆరా తీశారు. ఇద్దరి మధ్య తరచూ గొడవలు జరుగుతున్నాయని.. ఇంతటి ఘాతుకానికి పాల్పడతారని ఊహించలేదంటూ కూతురు రాధిక కన్నీటిపర్యంతమైంది. పోలీసులు కేసు నమోదు చేసి దర్యాప్తు చేపట్టారు.

Read Also: కొడుకుతో కోడలు సెక్స్ చేయకూడదట! అడ్డుపడుతున్న మామ.. చివరికి..