నగ్నంగా ఉరికి వేలాడిన ప్రియురాలు.. పక్కనే ప్రియుడు.. కడపలో కలకలం

ఉపాధి కోసం భార్య విదేశాలకు వెళ్లింది. ఇక్కడే ఉంటున్న భర్త మరొకరితో ఎఫైర్ పెట్టుకున్నాడు. ఆమెతో సహజీవనం చేస్తూ రాసలీలలు సాగించేవాడు. హఠాత్తుగా ఇద్దరూ శవాలై తేలారు. ఇంట్లోనే ఉరితాడుకి వేలాడారు. ప్రియురాలి ఒంటిపై బట్టల్లేకపోవడం.. గాయాలతో ఉరికి వేలాడడం ప్రశ్నార్థకంగా మారింది. ఆమె ఆత్మహత్య చేసుకుందా? లేక ప్రియురాలిని చంపేసి ప్రియుడు సూసైడ్ చేసుకున్నాడా? కడపలో జంట ఆత్మహత్యల ఘటన తీవ్ర కలకలం రేపుతోంది.

కడప గుర్రాలగడ్డకు చెందిన మహ్మద్‌(35)కి సిద్ధవటానికి చెందిన మహిళతో వివాహమైంది. కొద్దికాలం కడపలోనే ఉన్న భార్య.. ఉపాధి కోసం కువైత్ వెళ్లింది. అప్పటి నుంచి ఒంటరిగా ఉంటున్న మహ్మద్‌కి అదే ప్రాంతానికి చెందిన సమీర(28) (పేరుమార్చాం)తో వివాహేతర సంబంధం ఏర్పడింది. అడిగేందుకు భార్య కూడా లేకపోవడంతో ఇద్దరూ కొంతకాలంగా ఒకే ఇంట్లో సహజీవనం చేస్తున్నారు.

సడెన్‌గా ఇద్దరూ ఇంట్లో విగతజీవులుగా కనిపించారు. ఫ్యాన్‌కి ఉరేసుకుని ఆత్మహత్యకు పాల్పడ్డారు. అయితే ప్రియురాలు సమీర ఒంటిపై బట్టల్లేకుండా నగ్నంగా ఉరికి వేలాడడం అనుమానాలను రేకెత్తిస్తోంది. ఆమె ఒంటిపై గాయాలు కూడా ఉండడంతో ఆమెని హత్య చేసి ఉరికి వేలాడదీసి.. ప్రియుడు ఆత్మహత్య చేసుకుని ఉంటాడన్న అనుమానాలు వ్యక్తమవుతున్నాయి.

Also Read: తోడేళ్లలా యువతిని వెంటాడిన కీచకులు.. గుంటూరు రేప్ కేసులో దిగ్భ్రాంతికర నిజాలు

సంఘటన స్థలానికి చేరుకున్న చిన్నచౌకు పోలీసులు మృతదేహాలను పరిశీలించారు. ప్రియురాలి మృతదేహం బట్టల్లేకపోవడం.. గాయాలు కనిపించడంతో పోలీసులు అనుమానం వ్యక్తం చేశారు. మృతదేహాలను పోస్టుమార్టం నిమిత్తం ప్రభుత్వాస్పత్రికి తరలించారు. ఈ ఘటనపై కేసు నమోదు చేసి దర్యాప్తు చేపట్టారు. పోలీసు విచారణలో అసలు నిజాలు తేలాల్సి ఉంది.

Read Also: నేను చనిపోతున్నా.. కాబోయే భార్యకి యువకుడి షాక్.. ప్రకాశం జిల్లాలో విషాదం