భార్య ముందే అమ్మాయిలతో సెక్స్ చాట్.. కేసు నమోదు

ప్రేమించి పెళ్లి చేసుకున్న భార్య ముందే ఇతర అమ్మాయిలతో సెక్స్ ఛాటింగ్‌ చేస్తున్న భర్తపై పోలీసులు కేసు నమోదు చేశారు. కృష్ణా జిల్లా విజయవాడ సమీపంలోని తాడిగడపకు చెందిన కొమ్ము దినేష్, విజయనిర్మల ప్రేమ వివాహం చేసుకున్నారు. కొన్నాళ్లు భార్యతో సఖ్యతగానే ఉన్న దినేష్ ఆ తర్వాత తన వక్రబుద్ధిని బయటపెట్టాడు.

భార్య అమాయకత్వాన్ని ఆసరాగా తీసుకుని ఇతర మహిళలతో సంబంధాలు పెట్టుకున్నాడు. భార్య ముందే వారితో సెక్స్ ఛాటింగ్ చేయడం, ఫోన్లో వారితో చనువుగా మాట్లాడేవాడు. ఈ క్రమంలోనే భార్యను సరిగా పట్టించుకునేవాడు కాదు. భర్త వాలకంపై విజయనిర్మల తీవ్ర మనస్థాపానికి గురై ఎన్నోసార్లు నిరసన తెలిపింది. దీంతో దినేష్ భార్యపై ఎన్నోసార్లు చేయి చేసుకున్నాడు. భర్త చెడు తిరుగుళ్లపై అత్త, ఆడపడుచులకు చెప్పగా వారు కూడా దినేష్‌కే వత్తాసు పలికారు.

భర్త ఎప్పటికైనా మారతాడని వేచిచూసిన విజయనిర్మల చివరికి ఓపిక నశింి అతడిని గట్టిగా నిలదీసింది. దీంతో దినేష్ ఆమెను శారీరకంగా హింసించి పుట్టింటికి పంపేశాడు. తనకు జరిగిన అన్యాయంపై పోలీసులను ఆశ్రయించిన బాధితురాలు భర్త దినేష్, అత్త సారమ్మ, ఆడపడుచులు కుమ్మరికుటం ఆషా, రాఖీలపై ఫిర్యాదు చేసింది. దీంతో పోలీసులు నలుగురిపై కేసు నమోదు చేసిన దర్యాప్తు చేపట్టారు.