ఇంట్లోకి చొరబడి.. నోట్లో గుడ్డలు కుక్కి.. గుంటూరులో వివాహితపై అత్యాచారం

మహిళలపై అత్యాచారాలు, అఘాయిత్యాలకు ముగింపు పలకాలంటూ ప్రజలు ఎంతలా ఆందోళన చేసినా కామాంధుల్లో మార్పు రావడం లేదు. తెలుగు రాష్ట్రాల్లో వరుసగా చోటుచేసుకున్న అత్యాచార ఘటనలు ఆందోళన పరుస్తుండగానే గుంటూరు జిల్లాలో మరో దారుణం జరిగింది. ఇంట్లోకి చొరబడిన యువకుడు వివాహితను బెదిరించి అత్యాచారం చేసి పరారయ్యాడు.

Also Read: పక్కింటి బాలికను యాదాద్రి తీసుకెళ్లి లాడ్జిలో అత్యాచారం.. రెండో పెళ్లికి ఒత్తిడి

నకరికల్లు మండలంలోని ఓ గ్రామంలో మంగళవారం రాత్రి ఓ మహిళ ఇంట్లో ఒంటరిగా టీవీ చూస్తోంది. ఆమెపై ఎప్పటి నుంచో కన్నేసిన అదే గ్రామానికి చెందిన పి.బాలకృష్ణనాయక్‌ ఇంట్లోకి ప్రవేశించి ఆమెను వేధించాడు. తన కోరిక తీర్చాలని, తనతో అక్రమ సంబంధం పెట్టుకోవాలని ఒత్తిడి చేశాడు. దీనికి ఆ మహిళ ససేమిరా అనడంతో గదిలోకి తీసుకెళ్లి అరవకుండా నోట్లు గుడ్డలు కుక్కి దారుణంగా అత్యాచారానికి పాల్పడ్డాడు.

Also Read: సూర్యాపేటలో కీచకుడు.. మైనర్ బాలికపై మారుతండ్రి అత్యాచారం

కాసేపటికి ఇంటికి వచ్చిన భర్తకు బాధితురాలు ఈ విషయం చెప్పడంతో అతడు వెంటనే నకరికల్లు పోలీసులకు ఫిర్యాదు చేశాడు. ఈ ఘటనపై కేసు నమోదు చేసుకున్న పోలీసులు బాధితురాలిని వైద్య పరీక్షల నిమిత్తం గుంటూరు జీజీహెచ్‌కు తరలించారు. పరారీలో ఉన్న నిందితుడు పి.బాలకృష్ణనాయక్‌ కోసం పోలీసులు గాలిస్తున్నారు. ఈ ఘటనతో గ్రామస్థులు వణికిపోతున్నారు. మహిళలకు ఇంట్లోనే రక్షణ లేనప్పుడు బయటకు ఎలా వెళ్లాలంటూ ఆందోళన పడుతున్నారు.

Also Read: ఒంగోలులో పట్టపగలే దారుణం.. భర్తను కొట్టి వివాహితను కిడ్నాప్ చేసిన దుండగులు