కాబోయే డాక్టర్ కాల్వలో పడి.. గుంటూరు జిల్లాలో విషాద ఘటన

గుంటూరు జిల్లా తెనాలిలో విషాద ఘటన చోటుచేసుకుంది. వైద్య విద్యార్థి ప్రమాదవశాత్తూ కాలుజారి కాల్వలో పడిపోయి గల్లంతయ్యాడు. ఈరోజు మధ్యాహ్నం కాల్వలో శవమై కనిపించాడు. పట్టణానికి చెందిన యారవ సాయి హర్షవర్ధన్ రెడ్డి(23) అమలాపురంలో ఎంబీబీఎస్ ఫైనలియర్ చదువుతున్నాడు. సొంతూరు వచ్చిన హర్షవర్ధన్ రెడ్డి సోమవారం రాత్రి సమయంలో కాలుజారి పట్టణంలోని పశ్చిమ కాల్వలో పడిపోయాడు. నీటమునిగి కనిపించకుండా పోయాడు.

యువకుడు కాల్వలో గల్లంతైన వెంటనే స్థానికులు పోలీసులకు సమాచారం అందించడంతో గాలింపు చర్యలు చేపట్టారు. కాల్వ వెంబడి గాలించగా పెదరావూరు వద్ద హర్షవర్ధన్ రెడ్డి మృతదేహం లభ్యమైంది. చేతికంది వచ్చిన కొడుకు అకాల మరణంతో ఆ కుటుంబ సభ్యులు శోకసంద్రంలో మునిగిపోయారు.

Also Read: పనిమనిషిపై కన్నేసిన డాక్టర్.! స్నేహితులతో గడపాలంటూ..