లైంగిక వేధింపులకి బలైన అక్క.. 2 నెలలకే చెల్లెలిపై.. దారుణం

లైంగిక వేధింపులు భరించలేక పదిహేనేళ్ల బాలిక ఆత్మహత్య చేసుకుంది. ఒంటికి నిప్పంటించుకుని బలవన్మరణానికి పాల్పడింది. ఆ దారుణ ఘటన జరిగి కనీసం రెండు నెలలైనా గడవలేదు.. మరో కామాంధుడి కన్ను ఆమె చెల్లెలిపై పడింది. అక్క ఆత్మహత్య.. తండ్రి హెచ్చరికలతో మాట్లాడడం మానేసిందని కోపం పెంచుకున్న దుర్మార్గుడు ఆమెపై నీచానికి పాల్పడ్డాడు. ఎక్కడపడితే అక్కడ తాకుతూ అసభ్యకరంగా ప్రవర్తించాడు. ఈ అమానుష ఘటన తమిళనాడులో చోటుచేసుకుంది.

వెల్లూరుకి చెందిన పదిహేనేళ్ల బాలికను ఇరుగుపొరుగున నివాసముంటున్న ముగ్గురు కామాంధులు లైంగిక వేధింపులకు గురిచేశారు. కామకోరికలు తీర్చాలంటూ ఇబ్బందులకు గురిచేయడంతో మానసికంగా కుంగిపోయిన బాలిక బలవన్మరణానికి పాల్పడింది. ఒంటికి నిప్పంటించుకుని ప్రాణాలు తీసుకుంది. ఆ ఘటన జరిగిన రెండునెలలకే ఆమె చెల్లెలిని వేధింపులకు గురిచేశాడు మరో కామాంధుడు.

పెయింట్ పనులు చేసే సెల్వరసు(19) ఎవరూ లేని సమయం చూసి ఆమె ఇంట్లోకి చొరబడి అసభ్యంగా ప్రవర్తించాడు. శరీరాన్ని అసభ్యంగా తాకుతూ జుగుప్సాకరంగా ప్రవర్తించాడు. దీంతో బాధితురాలు పోలీసులను ఆశ్రయించడంతో నిందితుడిని అరెస్టు చేశారు. బాధితురాలికి, నిందితుడు సెల్వరసుతో గతంలో పరిచయం ఉందని.. ఆ విషయం ఆమె తండ్రికి తెలిసి హెచ్చరించడంతో ఆమె మాట్లాడడం మానేసినట్లు పోలీసులు తెలిపారు.

Also Read: కళ్లలో కారం కొట్టి.. కత్తులతో పొడిచి.. హైదరాబాద్‌లో దారుణం

దీంతో ఆగ్రహం చెందిన సెల్వరసు ఇంట్లో చొరబడి లైంగికంగా వేధింపులకు గురిచేశాడని.. పోక్సో చట్టం కింద కేసు నమోదు చేసి నిందితుడిని అరెస్టు చేసినట్లు చెప్పారు. నిందితుడిపై నేరారోపణలు రుజువైతే మూడేళ్ల జైలు శిక్ష, జరిమానా విధించే అవకాశాలున్నాయి.

Read Also: కన్నతండ్రి కామవాంఛలు తీర్చలేక.! తండ్రిని కూతుళ్లు చంపేసిన కేసులో షాకింగ్