కూతురికి భార్య సపోర్ట్.. అవమానంతో ఉరేసుకున్న భర్త, అత్త

కుటుంబ కలహాల కారణంగా వృద్ధురాలైన తల్లితో కలసి కొడుకు ఆత్మహత్య చేసుకున్న విషాద ఘటన చోటుచేసుకుంది. కూతురిపై కోప్పడుతున్న సమయంలో భార్య ఆమెకి సపోర్ట్‌గా రావడంతో అవమానంగా ఫీలైన భర్త తన తల్లితో కలసి బలవన్మరణానికి పాల్పడ్డాడు. ఇంట్లో ఎవరూ లేని సమయం చూసి 80 ఏళ్ల వృద్ధురాలు, ఆమె కొడుకు సూసైడ్ చేసుకున్నారు. ఈ ఘటన తమిళనాడు రాజధాని చెన్నైలో జరిగింది.

నగరంలోని ఓ బ్యాంక్ శాఖలో వాచ్‌మెన్‌గా పనిచేస్తున్న నటరాజన్(53) కుటుంబంతో కలసి శంకర్ నగర్ పరిధిలోని పల్లవరం ప్రాంతంలో నివాసముంటున్నాడు. ఆ రోజు సాయంత్రం గంటల కొద్దీ ఫోన్‌లో మాట్లాడిన కూతురు రాణి(21) కోపంతో ఖరీదైన సెల్‌ఫోన్‌ని పగలగొట్టేసింది. అది చూసిన నటరాజన్ ఆమెను తీవ్రంగా మందలించాడు. ఇంతలో ఆ విషయంలో అతని భార్య సీమా(45) కలగజేసుకుంది.

Also Read: ప్రియురాలి న్యూడ్ ఫొటోలు, వీడియోలు.. పోర్న్‌సైట్లకు అమ్మేసిన ప్రియుడు.. బ్రేకప్ చెప్పిందని..

ఆమె కూతురికే వంతపాడడంతో నటరాజన్ తల్లి కన్నమ్మాళ్(87) కొడుక్కి సపోర్ట్ చేసింది. రెండు గ్రూపులుగా విడిపోయిన కుటుంబ సభ్యుల మధ్య వివాదం చినికిచినికి పెద్దదైంది. తల్లీకూతుళ్లు ఒక్కటై తన మాట పట్టించుకోకపోవడాన్ని అవమానంగా భావించిన నటరాజన్ ఆత్మహత్య చేసుకోవాలని నిర్ణయించుకున్నాడు. తన తల్లితో కలసి బలవన్మరణానికి పాల్పడ్డాడు.

మరుసటి రోజు ఉదయం కూతురు రాణి పనికి వెళ్లిపోగా.. భార్య సీమా మార్కెట్‌కి వెళ్లింది. ఇంట్లో ఎవరూ లేని సమయం చూసి నటరాజన్, అతని తల్లి కన్నమ్మాళ్ ఇంట్లో ఉరి వేసుకుని ఆత్మహత్య చేసుకున్నారు. సమాచారం అందుకున్న శంకర్ నగర్ పోలీసులు సంఘటన స్థలానికి చేరుకుని మృతదేహాలను పరిశీలించారు. కేసు నమోదు చేసి దర్యాప్తు చేపట్టారు.

Read Also: బట్టల్లేకుండా వీడియో కాల్.. రికార్డు చేసి నర్సుకి పంపించి.. హైదరాబాద్‌లో దారుణం