ఒంగోలులో ఘోరం.. తల్లితో సహజీవనం, కూతురిపై కామంతో నీచం

కామాంధుడు రెచ్చిపోయాడు. తల్లితో సహజీవనం చేస్తూనే కూతురిపై కన్నేశాడు. ఎవరూ లేని సమయం చూసి చెరబట్టాడు. ఆమెను బెదిరించి అత్యాచారం చేశాడు. ఆ విషయం తల్లికి చెప్పినా పెడచెవిన పెట్టింది. ప్రియుడి మోజులో కన్నకూతురి మాటలు పట్టించుకోకపోవడంతో బాలిక దిశ పోలీస్ స్టేషన్‌ని ఆశ్రయించింది. ఈ అమానుష ఘటన ప్రకాశం జిల్లాలో చోటుచేసుకుంది.

జిల్లాలోని అర్ధవీడుకి చెందిన మహిళ ఒంగోలులోని ఓ కళాశాలలో పనిచేస్తూ గోపాల్‌నగర్‌కి చెందిన సుభాని అనే వ్యక్తితో సహజీవనం చేస్తోంది. ప్రియురాలితో సహజీవనం చేస్తూనే ఆమె కూతురిపై కన్నేశాడు సుభాని. తన ప్రియురాలు ఇంట్లో లేని సమయంలో ఆమె కూతురిని దారుణంగా రేప్ చేశాడు. మైనర్ బాలికని బెదిరించి పశువులా మీద పడి కామకోరికలు తీర్చుకున్నాడు. ఇంటికి వచ్చిన తల్లికి తనపై జరిగిన దారుణాన్ని చెప్పుకున్నప్పటికీ బాధితురాలకి నిరాశే ఎదురైంది.

Also Read: రైలింజన్ ఢీకొని రైల్వే ఉద్యోగులు మృతి.. మూసీ నదిపై విషాదం

ప్రియుడి మోజులో ఉన్న తల్లి.. కన్నకూతురి మాటలు పెడచెవిన పెట్టింది. ఆమె ప్రియుడు అత్యాచారం చేశాడని చెప్పినా పట్టించుకోలేదు. దీంతో బాలిక అమ్మమ్మ ఇంటికి వెళ్లి తలదాచుకుంది. తనకు న్యాయం చేయాలని కోరుతూ దిశ పోలీసులను ఆశ్రయించడంతో అసలు విషయం వెలుగులోకి వచ్చింది. తనకు న్యాయం చేయడంతో పాటు రక్షణ కల్పించాలని ఆమె కోరుతోంది.

Read Also: సత్తెనపల్లిలో కిరాతకం.. భార్య తల నరికి మొండెం వేరుచేసి..