బాల్య స్నేహాన్ని అడ్డుపెట్టుకుని ఓ వ్యక్తి తన మహిళపై రెండేళ్లుగా అత్యాచారం చేస్తున్న ఘటన ముంబయిలో వెలుగులోకి వచ్చింది. చిన్నప్పుడు తెలిసిన వాడే కదా అని అతడితో చనువుగా ఉండటమే ఆమె జీవితాన్ని నాశనం చేసింది. రెండేళ్ల పాటు ఆ నరకాన్ని మౌనంగా భరించింది. వేధింపులు మరింత ఎక్కువ కావడంతో చివరకు పోలీసులకు ఆశ్రయించింది.
Also Read: బాయ్‌ఫ్రెండ్‌‌తో సెక్స్ చేస్తుండగా వీడియో తీసి గ్యాంగ్ రేప్.. నిద్రమాత్రలు మింగిన యువతి
ముంబయిలోని శివాజీనగర్‌లో ఉండే సతీశ్(36) అనే వ్యక్తికి చిన్నతనంలో ఓ యువతితో పరిచయం ఏర్పడింది. కొన్నాళ్లు స్నేహంగా మెలిగాక వారిద్దరు దూరమయ్యారు. 2017లో ఆమె వివరాలు తెలుసుకున్న సతీశ్ వాట్సాప్‌లో హాయ్ అని మెసేజ్ పెట్టడంతో ఆమె స్పందించింది. చిన్ననాటి ఫ్రెండే కదా అని అతడితో రోజూ చాటింగ్ చేస్తూ వ్యక్తిగత వివరాలు షేర్ చేసుకునేది. కొద్దిరోజుల తర్వాత కలుద్దామంటూ సతీశ్ కోరడంతో ఆమె సరేనంది.
Also Read: సన్నిహితుడే కీచకుడు.. ఫ్రెండ్‌తో కలిసి వివాహితపై గ్యాంగ్‌రేప్
ఆమెతో ఓ హోటల్‌కి తీసుకెళ్లి సతీష్ డిన్నర్ చేశాడు. ఆ తర్వాత రూమ్‌కి రావాలని ఆహ్వానించడంతో అమాయకంగా వెళ్లింది. అక్కడ తన కోరిక తీర్చాలని సతీశ్ కోరడంతో ఆమె అవాక్కైంది. స్నేహితుడివని నమ్మి వస్తే నమ్మకద్రోహం చేస్తావా అంటూ నిలదీసింది. అవేమీ పట్టించుకోని సతీశ్ ఆమెను తీవ్రంగా కొట్టి అత్యాచారం చేశాడు. ఆమెను అసభ్యకర రీతితో ఫోటోలు తీసి ఈ విషయాన్ని ఎవరికైనా చెబితే వాటిని బయటపెడతానని బెదిరించాడు.
Also Read: చేతబడి అనుమానంతో యువకుడి సజీవ దహనం
ఆ ఫోటోలను అడ్డం పెట్టుకుని సతీశ్ ఆమెకు రెండేళ్ల పాటు నరకం చూపించాడు. అతడు కోరిన చోటికల్లా వెళ్లి కోరిక తీర్చేది. ఇటీవల అతడి వేధింపులు తీవ్రం కావడంతో సహనం నశించిన బాధితురాలు మంగళవారం తిలక్‌నగర్ పోలీసులను ఆశ్రయించింది. దీంతో కేసు నమోదు చేసిన పోలీసులు సతీశ్‌ను అరెస్ట్ చేసి రిమాండ్‌కు తరలించారు. బాల్య స్నేహితుడని నమ్మితే తన జీవితం నాశనమైందని బాధితురాలు ఆవేదన చెందుతోంది.