చదువు మానేసి పబ్‌జీ ఆడుతున్నాడని తల్లి తిట్టడంతో టెన్త్ క్లాస్ విద్యార్థి ఆత్మహత్య చేసుకున్న ఘటన విశాఖ జిల్లా పెదగంట్యాడలో చోటుచేసుకుంది. గతనెల 20న చీమలమంది తినేసిన లోహిత్ సెప్టెంబర్ 9న చనిపోయాడు. దీంతో తల్లిదండ్రులు విషాదంలో మునిగిపోయారు.
Samayam Telugu11 Sep 2019, 3:58 pm
ఆన్‌లైన్ గేమ్ పబ్‌జీ వ్యసనానికి మరో ప్రాణం బలైంది. పబ్‌జీ ఆడుతూ చదువును నిర్లక్ష్యం చేస్తున్నాడని తల్లిదండ్రులు మందలించడంతో పదో తరగతి విద్యార్థి ప్రాణం తీసుకున్నాడు. ఈ విషాదకర ఘటన విశాఖ జిల్లాలో చోటుచేసుకుంది.
జిల్లాలోని పెదగంట్యాడకు బోయి లోహిత్ రెడ్డి(14) అనే బాలుడు పదో తరగతి చదువుతున్నాడు. ఇటీవల పబ్‌జీ గేమ్‌కు అలవాటు పడిన బాలుడు స్కూల్‌కి కూడా డుమ్మా కొడుతూ నిత్యం గేమ్ ఆడుతూనే ఉంటున్నాడు. తల్లిదండ్రులు ఎంత మందలించినా పట్టించుకోవడం లేదు. దీంతో ఆగస్టు 20వ తేదీన లోహిత్ పబ్‌జీ గేమ్ ఆడుతుండగా తల్లి సెల్‌ఫోన్ లాక్కుని దాచేసింది. దీంతో బాలుడు తల్లితో గొడవపడ్డాడు. ఆవేశంలో చీమలమందు తాగేశాడు. అస్వస్థతకు గురైన లోహిత్‌ను తల్లిదండ్రులు ఆస్పత్రికి తరలించారు.
అప్పటి నుంచి ఆస్పత్రిలో చికిత్స పొందుతున్న లోహిత్ సోమవారం రాత్రి ప్రాణాలు కోల్పోవడంతో తల్లిదండ్రులు కన్నీరుమున్నీరవుతున్నారు. ఒక్కగానొక్క కొడుకు ఆన్‌లైమ్ గేమ్‌కు బానిసై ఆత్మహత్య చేసుకోవడాన్ని వారు తట్టుకోలేకపోతున్నారు. తమలాంటి కష్టం ఎవరికీ రాకూడదని కోరుకుంటున్నారు. ఈ ఘటనపై స్థానికులు కూడా ఆవేదన వ్యక్తం చేస్తున్నారు. చదువుకునే వయస్సులో బాలుడు పబ్‌జీ గేమ్‌కు బానిసై ప్రాణాలు తీసుకోవడంతో అంతా షాకవుతున్నారు. ఇలాంటి శోకం ఏ తల్లిదండ్రులకు రాకూడదంటూ అంటున్నారు. పిల్లలను చెడుదోవ పట్టించే గేమ్‌లపై ప్రభుత్వం నిషేధం విధించాలని కోరుతున్నారు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
