అనంతపురం: బ్యూటీపార్లర్‌కు వెళ్లి కానిస్టేబుల్‌తో భార్య రాసలీలలు.. ఊహించని ట్విస్ట్ ఇచ్చిన భర్త!

అనంతపురం జిల్లా రాయదుర్గంలోని హోటల్‌ గదిలో ఓ ఏఆర్ కానిస్టేబుల్ బాగోతం బయటపడింది. వివాహం అయిన మరో మహిళతో ఏఆర్‌ కానిస్టేబుల్‌ వంశీ హోటల్ గదిలో ఉండగా.. ఆ మహిళ భర్త పోలీసులతో వెళ్లి రెడ్‌ హ్యాండెడ్‌గా పట్టుకున్నాడు. రాయదుర్గం పోలీస్‌ స్టేషన్‌ పరిధిలో సోమవారం ఈ వ్యవహారం వెలుగు చూసింది.

రాయదుర్గానికి చెందిన ఓ వివాహిత బ్యూటిషన్‌గా పని చేస్తున్నట్లు ఇంట్లో చెప్పింది. ఇందులో భాగంగానే సోమవారం కూడా బ్యూటీపార్లర్ కోసమంటూ ఇంటి నుంచి వెళ్లిన సదరు మహిళ.. కానిస్టేబుల్‌తో కలిసి హోటల్ గదికి వెళ్లింది. ఇది గమనించిన సదరు మహిళ భర్త వారికి ఊహించని ట్విస్ట్ ఇచ్చాడు. ఏకంగా పోలీసులను తీసుకుని నేరుగా హోటల్ గదికి వెళ్లాడు. భర్త తలుపు తట్టగా అతని గొంతు గుర్తు పట్టిన మహిళ బాత్రూంలోకి వెళ్లి దాక్కుంది. దీంతో పోలీసులు బలవంతంగా తలుపు తీసి చూడగా అసలు విషయం బయటపడింది.

తన భార్య బ్యూటీషియన్‌గా చేస్తున్నాని చెప్పి ఇంటి నుంచి వెళ్లి ఏఆర్‌ కానిస్టేబుల్‌తో వివాహేతర సంబంధం కొనసాగిస్తోందని భర్త వాపోయాడు. తన భార్యకు ఉద్యోగం ఇప్పిస్తానని చెప్పి ఏఆర్ కానిస్టేబుల్ వంశీ లొంగదీసుకుని వివాహేతర సంబంధం కొనసాగిస్తున్నాడని ఆరోపించాడు. భార్య ప్రవర్తనపై పోలీసుల వద్ద వాపోయాడు. దీంతో ఏర్‌ కానిస్టేబుల్‌ని, మహిళను అదుపులోకి తీసుకున్న పోలీసులు వారిని స్టేషన్‌కు తరలించారు.