డ్రగ్స్‌కు‌ బానిసైన కానిస్టేబుల్... పెళ్లయిన 3నెలలకే భార్యకు నరకం చూపించి

ఎన్నో ఆశలతో అత్తింట్లో అడుగుపెట్టిన ఆమె మూడు నెలలకే నూరేళ్లకు సరిపడా వేద అనుభవించింది. ఏడడుగుల బంధమే బలిపీఠమై ఈ లోకానికి సెలవంటూ వెళ్లిపోయింది. విశాఖ జిల్లాలో జరిగిన విషాద ఘటన వివరాలిలా ఉన్నాయి. అనకాపల్లి టౌన్‌ కానిస్టేబుల్‌గా పనిచేస్తున్న రొంగలి తలుపులునాయుడుకు మూడు నెలల కిందట నాతవరం మండలం వెదుర్లపల్లికి చెందిన చాతుర్య(18) అనే యువతితో వివాహమైంది. ఈ దంపతులు పట్టణంలోని శారదానగర్‌లో నివాసం ఉంటున్నారు. నాయుడుకు అంతకు ముందే పెళ్లయినా మొదటిభార్య విడాకులివ్వడంతో చాతుర్యను రెండో వివాహం చేసుకున్నాడు.

Also Read: అప్పు ఇచ్చిన మహిళపై కానిస్టేబుల్ అఘాయిత్యం.. ఒంగోలులో దారుణం

డ్రగ్స్ అలవాటున్న తలుపులునాయుడు ఉన్మాదిలా ప్రవర్తిస్తూ భార్యను నిత్యం చిత్రహింసలు పెట్టేవాడు. పద్ధతి మార్చుకోవాలని పెద్దలు ఎన్నిసార్లు సూచించాన అతడిలో మార్పు రాలేదు. దీనికి తోడు అదనపు కట్నం కోసం చాతుర్యను వేధించేవాడు. భర్త తీరుతో విసిగిపోయిన ఆమె గురువారం ఇంట్లోనే ఉరేసుకుని ఆత్మహత్య చేసుకుంది. ఈ విషయం తెలుసుకున్న కుటుంబసభ్యులు వెంటనే అక్కడికి చేరుకుని కన్నీరుమున్నీరయ్యారు.

Also Read: దివ్య హత్యకేసులో మరో ట్విస్ట్.. తెరపైకి రౌడీషీటర్ పేరు

భర్త చిత్రహింసల వల్లే తన కూతురు ఆత్మహత్య చేసుకుందిన చాతుర్య తల్లిదండ్రులు పారుపల్లి వెంకటరమణ, సత్యమాంబ పోలీసులకు ఫిర్యాదు చేశారు. దీంతో ఏఎస్పీ తుహన్‌ సిన్హా సంఘటన స్థలాన్ని పరిశీలించగా... మృతురాలి చేతి మీద కత్తిగాట్లు గుర్తించారు. పోలీసులు వచ్చేసరికి కానిస్టేబుల్‌ నాయుడు డ్రగ్స్ మత్తులో తూలుతూ ఇంట్లోనే ఉన్నాడు. దీంతో అతడిని ఆసుపత్రికి తరలించారు. చాతుర్య మృతికి కారణమయ్యాడని నాయుడుపై ఎస్ఐ రామారావు కేసు నమోదు చేసి దర్యాప్తు చేపట్టారు.

Also Read: చెల్లెలి ప్రియుడిని స్తంభానికి కట్టేసి చిత్రహింసలు.. పాలకొల్లులో సినీఫక్కీ ఘటన