బాలికను తీసుకుపోయిన యువకుడు.. చెట్టుకు కట్టేసి కొట్టిన గ్రామస్థులు

ప్రేమ వ్యవహారం ఓ యువకుడి ప్రాణం మీదికి తెచ్చింది. మైనర్ బాలికతో ప్రేమాయణం నడిపి ఆమెను ఊరి నుంచి తీసుకెళ్లిపోయిన యువకుడి స్థానికులు స్తంభానికి కట్టేసి చితకబాదారు. అంతటితో ఆగకుండా మెడలో చెప్పుల దండ వేసి ఊరేగించారు. ఈ అమానుష ఘటన పంజాబ్‌లో వెలుగుచూసింది.

Also Read: ప్రేమ పేరుతో వివాహితతో జల్సాలు.. సొమ్ము కాజేసి లైంగిక దాడి.. మోజు తీరాక

పంజాబ్‌లోని లూధియానా కూమ్ కలాన్ ప్రాంతానికి చెందిన ఓ యువకుడు అదే ప్రాంతానికి చెందిన బాలికను ప్రేమిస్తున్నాడు. తమ ప్రేమను పెద్దలు అంగీకరించరన్న ఆందోళనతో జూన్ 8న ఇద్దరూ కలిసి గ్రామం నుంచి పారిపోయారు. దీంతో బాలిక కుటుంబసభ్యులు పోలీసులకు ఫిర్యాదు చేశారు. అయితే ప్రేమ జంట ఆచూకీ కనిపెట్టిన ఆమె కుటుంబసభ్యులు గురువారం గ్రామానికి తీసుకొచ్చారు.

Also Read: కేరళ గోల్డ్ స్కామ్‌లో కొత్త ట్విస్ట్... హైదరాబాద్ హవాలా రాకెట్‌తో లింకులు?

తమ బిడ్డనే తీసుకుపోతావా అంటూ యువకుడిని చెట్టుకు కట్టేసి చితకబాదారు. మొహానికి నల్ల రంగు పూసి మెడలో చెప్పుల దండ వేసి ఊరంతా ఊరేగించారు. దీనిపై కొందరు సమాచారం ఇవ్వడంతో పోలీసులు వెంటనే గ్రామానికి చేరుకున్నారు. యువకుడిని అరెస్ట్ చేసి అనంతరం ఆస్పత్రికి తరలించారు. యువకుడి దాడికి సంబంధించిన ఘటనపైనా పోలీసులు ఆరా తీస్తున్నారు.

Also Read: ఆఫీసులోనే మహిళపై అత్యాచారయత్నం, హత్య.. హైదరాబాద్‌లో ఘోరం