బోర్డర్‌లో సత్తాచాటిన జవాన్.. భార్యతో గెలవలేక.. తిరుపతిలో విషాదం

బోర్డర్‌లో శత్రువులతో వీరోచితంగా పోరాడి సత్తాచాటిన వీర జవాన్.. భార్యను గెలవలేక కుటుంబ కలహాలకు బలైపోయిన విషాద ఘటన చిత్తూరు జిల్లాలో చోటుచేసుకుంది. నిత్యం వివాదాలతో విసిగిపోయిన భర్త.. ఏకంగా శ్మశానానికే వెళ్లి రివాల్వర్‌తో కాల్చుకుని ఆత్మహత్యకు పాల్పడ్డాడు. కేవీ పల్లె మండలం గర్నెమిట్ట పంచాయతీ పరిధిలోని కొండారెడ్డిగారిపల్లెకి చెందిన సిద్దరాము(49) బోర్డర్ సెక్యూరిటీ ఫోర్స్(బీఎస్‌ఎఫ్)లో హెడ్ కానిస్టేబుల్ స్థాయిలో పనిచేసి రిటైర్ అయ్యాడు.

నాలుగు నెలల కిందట ఉద్యోగ విరమణ చేసిన సిద్దరాము కుటుంబంతో కలసి తిరుపతిలోని సుందరయ్య నగర్‌లో నివాసం ఉంటున్నారు. ఆయనకు భార్య శారద, ఇద్దరు కుమారులు సంతానం. ఒక కుమారుడు ఇంటర్, మరో కుమారుడు డిగ్రీ చదువుతున్నారు. అయితే సిద్దరాముకి, ఆయన భార్య మధ్య తరచూ వివాదాలు జరుగుతున్నాయి. ముందు రోజు రాత్రి కూడా భార్యతో గొడవ జరగడంతో తీవ్ర మనస్థాపానికి గురైన సిద్దరాము ఆత్మహత్య చేసుకోవాలని నిర్ణయించుకున్నాడు.

Also Read: కూతురిపై కన్నేసిన కీచక తండ్రి.. తల్లి లేని సమయం చూసి..

అర్ధరాత్రి వేళ ఇంటి నుంచి వెళ్లిపోయిన సిద్దరాము సమీపంలోని శ్మశానంలోకి వెళ్లి తన రివాల్వర్‌తో కాల్చుకుని ఆత్మహత్యకు పాల్పడ్డాడు. తెల్లవారుజామున రక్తపు మడుగులో పడి ఉన్న సిద్దరామును గుర్తించిన స్థానికులు కుటుంబ సభ్యులకు, పోలీసులకు సమాచారం అందించారు. సంఘటన స్థలానికి చేరుకున్న పోలీసులు కేసు నమోదు చేసి దర్యాప్తు చేస్తున్నారు.

Read Also: భర్తని నిలువునా తగలెట్టిన మహా ఇల్లాలు.. సహకరించిన కన్నకూతురు.. చివరికి అదిరిపోయే ట్విస్ట్

సిద్దరాము మృతదేహం పక్కనే మద్యం కలిపిన కూల్‌డ్రింక్ బాటిల్, రివాల్వర్ పడి ఉన్నాయి. భార్యతో గొడవపడి అర్ధరాత్రి శ్మశానానికి వచ్చిన జవాన్ సిద్దరాము.. మద్యం తాగిన తరువాత తన రివాల్వర్‌తో కణతపై కాల్చుకుని ఆత్మహత్యకు పాల్పడి ఉంటాడని పోలీసులు అనుమానిస్తున్నారు. ఢిల్లీలో విధులు నిర్వర్తిస్తున్న సమయంలో రక్షణార్థం సిద్దరాము రివాల్వర్ తీసుకున్నాడని.. దానిని చిత్తూరు జిల్లాకు మార్చాల్సిందిగా దరఖాస్తు చేసుకున్నట్లు పోలీసులు చెబుతున్నారు. అదే రివాల్వర్‌తో షూట్ చేసుకుని ఆయన ఆత్మహత్యకు పాల్పడినట్లు భావిస్తున్నారు.

Also Read: ‘నాకు ఆయనంటేనే మోజు.. ఆయన్ని వదిలిపెట్టి నేను రాను..’ మొదటి భర్తతో లేచిపోయిన రెండో భార్య