మసాజ్‌ మాటున సెక్స్.. నగరంలో గుట్టుగా వ్యభిచార దందా!

బెంగళూరు నగరంలో విలాసవంతంగా కనిపించే ఓ స్పా మాటున వ్యభిచారం జరుగుతోంది. గుట్టుగా జరుగుతున్న ఈ దందాను బెంగళూరు క్రైం బ్రాంచ్ పోలీసులు రట్టు చేశారు. బెంగళూరు నగరంలోని మహదేవపుర ప్రాంతంలోని హూడీ ప్రాంతంలో నిర్వహిస్తున్న మసాజ్ సెంటర్‌లో రహస్యంగా ఆరుగురు మహిళలతో వ్యభిచారం సాగిస్తున్నారని ఆరోపణలు ఉన్నాయి. దీనికి సంబంధించి పోలీసులకు సమాచారం అందింది.

దీంతో సిటీ క్రైం బ్రాంచ్ పోలీసులు ఆకస్మిక దాడులు చేసి వ్యభిచారం రొంపి నుంచి ఆరుగురు మహిళలను కాపాడారు. పక్కా ప్రణాళికతో స్పా మాటున సాగుతున్న ఈ వ్యభిచారం రాకెట్ గుట్టును రట్టు చేశారు. స్పా నిర్వహకులైన ముగ్గురు కీలక వ్యక్తులను పోలీసులు అదుపులోకి తీసుకున్నారు. ఈ స్పా బాగోతంపై కేసు నమోదు చేసిన పోలీసులు సమగ్ర విచారణ జరుపుతున్నారు.

Must Read: రేపే భారత్‌కు ట్రంప్.. పర్యటన పూర్తి షెడ్యూల్ ఇదే..

బెంగళూరు నగరంలో మసాజ్ సెంటర్ మాటున వ్యభిచారం జరుపుతూ పట్టుబడడం ఇది మొదటిసారి కాదు. గతంలోనూ క్రైమ్ బ్రాంచ్ పోలీసులు కోరమంగ్ల తదితర ప్రాంతాల్లో జరిపిన ఆకస్మిక దాడుల్లో పలు స్పా సెంటర్లలో గుట్టుగా వ్యభిచార దందా సాగుతున్నట్లు బయటపడింది. జాక్ సెలూన్ అండ్ వెల్‌నెస్ స్పా అనే సంస్థ యజమాని, మేనేజర్‌ను అదుపులోకి తీసుకున్న పోలీసులు అతనిపై కేసు నమోదు చేశారు.

Also Read: రోగికి ఆపరేషన్ చేస్తూ టిక్‌టాక్ వీడియోలు.. వైద్యుడి విపరీత చర్య!


Also Read: క్వార్టర్ ఇస్తేనే కరెంట్ పోల్ దిగుతా.. మందుబాబు హల్ చల్