UP Fire Accident ఫర్నీచర్ షాపులో ఘోర అగ్ని ప్రమాదం.. ఒకే కుటుంబంలోని ఆరుగురు సజీవదహనం

UP Fire Accident ఓ ఫర్నీచర్ దుకాణంలో అగ్ని ప్రమాదం సంభవించి.. ఒకే కుటుంబానికి చెందిన ఆరుగురు సజీవదహనమయ్యారు. వీరిలో నలుగురు చిన్నారులు కూడా ఉన్నారు. విషాదకరమైన ఈ ఘటన ఉత్తర్ ప్రదేశ్లోని ఫిరోజాబాద్లో బుధవారం ఉదయం చోటుచేసుకుంది. ఈ ప్రమాదంలో మరో ముగ్గురు తీవ్రంగా గాయపడ్డారు. ఘటన గురించి సమాచారం తెలిసిన వెంటనే పోలీసులు, అగ్నిమాపక సిబ్బంది అక్కడికి చేరుకుని సహాయక చర్యలు చేపట్టారు. రెండు గంటల పాటు శ్రమించి మంటలను అదుపుచేసి, క్షతగాత్రులను ఆస్పత్రికి తరలించారు. షార్ట్ సర్క్యూట్ కారణంగానే ఈ ప్రమాదం జరిగిందని పోలీసులు తెలిపారు.బాధిత కుటుంబం ఫర్నీచర్ దుకాణం నిర్వహిస్తోన్న బాధిత కుటుంబం.. అదే భవనంలో నివాసం ఉంటోంది. మంగళవారం తెల్లవారుజామున ఫర్నీచర్ షాపులో ప్రమాదవశాత్తూ షార్ట్ షర్క్యూట్ జరిగి మంటలు చెలరేగాయి. మంటలు వేగంగా వ్యాపించి మొదటి అంతస్థులో ఉన్న యజమాని ఇల్లు కూడా దగ్ధమైంగి. దీంతో లోపల ఉన్న యజమాని, అతడి భార్యా పిల్లలు మంటల్లో చిక్కుకున్నారు. ఏం జరిగిందో తెలుసుకునేలోపు ఘోరం జరిగిపోయింది. ప్రమాదం నుంచి బయటపడే సమయం లేకపోవడంతో మంటల్లో కాలిబూడిదయ్యారు.

మంటలు భారీగా ఎగిసిపడటం వల్ల తప్పించుకునే అవకాశం లేకుండా పోయిందని పోలీసులు తెలిపారు. ఆగ్రా, మెయిన్‌పురి, ఇటావా, ఫిరోజాబాద్‌ల నుంచి మొత్తం 18 అగ్నిమాపక వాహనాలను రప్పించారు. 12 పోలీస్ స్టేషన్‌ల సిబ్బంది దాదాపు రెండున్నర గంటల పాటు రెస్క్యూ ఆపరేషన్‌ నిర్వహించారు. ఫైర్ సిబ్బంది తీవ్రంగా శ్రమించి మంటలను అదుపులోకి తెచ్చారు. ఈ ఘటనపై ఉత్తర్ ప్రదేశ్ సీఎం యోగి ఆదిత్యనాథ్ తీవ్ర విచారం వ్యక్తం చేశారు. మృతుల కుటుంబాలకు తన ప్రగాఢ సానుభూతి తెలిపిన ఆయన.. ఒక్కొక్కరికి రూ.2 లక్షల ఎక్స్గ్రేషియాను ప్రకటించారు.

Read Latest National News And Telugu News