సూర్యాపేటలో ప్రేమోన్మాది ఘాతుకం.. బాలికపై పెట్రోల్ పోసి..

ప్రేమపేరుతో మానవ మృగాలు విరుచుకుపడుతున్నాయి. మహిళలపై దారుణాలకు తెగబడుతున్నాయి. ప్రేమను నిరాకరించిందని మారణాయుధాలతో దాడులు చేయడం.. నిలువునా మంటల్లో కాల్చేస్తున్న ఘటనలు కలవరపరుస్తున్నాయి. నాగ్‌పూర్‌లో ఓ ప్రేమోన్మాది లేడీ లెక్చరర్‌పై పెట్రోల్ పోసి నిప్పింటించిన ఘటన మరువక ముందే తెలంగాణలో మరో ఘటన చోటుచేసుకుంది.

Also Read: వివాహిత జీవితంలోకి వన్‌సైడ్ లవర్.. మహబూబ్‌నగర్ కేసులో షాకింగ్ నిజాలు

ప్రేమను నిరాకరించిందన్న కోపంతో బాలికపై పెట్రోల్ పోసి నిప్పంటించిన ఘటన ఆలస్యంగా వెలుగులోకి వచ్చింది. సూర్యాపేట జిల్లా తిరుమలగిరి మండలం రాఘవాపురానికి చెందిన ఓ బాలకను కొద్దికాలంగా ఓ యువకుడు ప్రేమ పేరుతో వేధిస్తున్నాడు. వెంటపడుతున్నా.. బతిమాలుతున్నా ఆమె పట్టించుకోకపోవడంతో ఉన్మాదిగా మారి ఘాతుకానికి పాల్పడ్డాడు.

ప్రేమను నిరాకరించిందన్న కోపంతో అమ్మాయిపై పెట్రోల్ పోసి నిప్పంటించాడు. ఒళ్లంతా మంటలు వ్యాపించడంతో బాలిక కేకలు వేస్తూ బయటకు రావడంతో స్థానికులు స్పందించి మంటలను ఆర్పివేశారు. చికిత్స నిమిత్తం బాలికను వరంగల్ ఆస్పత్రికి తరలించారు. బాలిక కుటుంబ సభ్యులు ఆస్పత్రికి చేరుకుని కన్నీరుమున్నీరుగా విలపిస్తున్నారు. ఇంతటి ఘాతుకానికి పాల్పడిన ఉన్మాదిని కఠినంగా శిక్షించాలని డిమాండ్ చేస్తున్నారు.

Read Also: రేపిస్టుని పట్టించిన బిర్యానీ ప్యాకెట్.. నూజివీడు కేస్ మిస్టరీ వీడిందిలా!