ప్రేమకు నో చెప్పిన పెద్దలు.. రైలుకు ఎదురెళ్లి ప్రేమజంట ఆత్మహత్య

వారిద్దరు ప్రాణానికి ప్రాణంగా ప్రేమించుకున్నారు. పెళ్లి చేసుకుని హాయిగా జీవిద్దామనుకుని ఎన్నో కలలు కన్నారు. అయితే చాలా కథల్లో జరిగినట్లే వారి ప్రేమకు పెద్దలు అడ్డుపడ్డారు. దీంతో కలిసి జీవించే అవకాశం లేనప్పుడు కలిసి చనిపోదామనుకున్నారు. ఎదురుగా వస్తున్న రైలు ఎదురెళ్లి మరీ ప్రాణాలు తీసుకున్నారు. తమిళనాడులో జరిగిన ఈ విషాద ఘటన వివరాలిలా ఉన్నాయి.

Also Read: అల్లుడితో అత్త అక్రమ సంబంధం.. సుపారీ ఇచ్చి హత్య చేయించిన కూతుళ్లు

కడలూరు జిల్లా పన్‌రుట్టి సమీపం తోరప్పాడి గ్రామానికి చెందిన స్వాతి (22) నర్సింగ్‌ చదువుతోంది. రోజూ కాలేజీకి వెళ్లొచ్చే సమయంలో కోట్టలాంబాక్కంకు చెందిన బైక్ మెకానిక్‌ మదన్‌ (22)తో పరిచయం ఏర్పడి ప్రేమగా మారింది. దీంతో ఇద్దరూ పెళ్లి చేసుకుంటామని తల్లిదండ్రులకు చెప్పారు. అయితే వీరి ప్రేమను రెండు కుటుంబాలు తీవ్రంగా వ్యతిరేకించాయి. ప్రేమకు ఫుల్‌స్టాప్ పెట్టకపోతే తీవ్ర పరిణామాలు ఉంటాయని హెచ్చరించారు.

Also Read: ప్రియుడి కోసం దొంగగా మారిన యువతి.. అక్క ఇంటికే కన్నం

దీంతో మనస్తాపం చెందిన ప్రేమజంట సోమవారం రాత్రి పనపాక్కం ప్రాంతంలోని రైలు పట్టాల వద్దకు చేరుకున్నారు. చెన్నై నుంచి రామేశ్వరం వెళ్లే ఎక్స్‌ప్రెస్‌ రైలుకు ఎదురుగా పరుగెత్తి ప్రాణాలు తీసుకున్నారు. వీరిని గమనించిన లోకోపైలట్ రైలు ఆపేందుకు ప్రయత్నించిగా సాధ్యం కాలేదు. దీంతో వారిద్దరి శరీరాలు చిధ్రమై చెల్లాచెదురయ్యాయి. లోకో పైలట్ సమాచారంతో కడలూరు రైల్వే పోలీసులు సంఘటనా స్థలానికి చేరుకుని మృతదేహాలను పోస్టుమార్టం నిమిత్తం ఆస్పత్రికి తరలించారు. ప్రేమజంట ఆత్మహత్యతో ఆ ప్రాంతంలో విషాదఛాయలు అలుముకున్నాయి.

Also Read: కన్నకూతురిపైనే లైంగిక దాడి.. హైదరాబాదీకి పదేళ్ల జైలు