యువతి ఆత్మహత్య.. పశ్చిమ గోదావరిలో విషాదం

చిన్నచిన్న కారణాలకే యువత క్షణికావేశంలో అఘాయిత్యాలకు పాల్పడుతున్న ఘటనలు ఆందోళన కలిగిస్తున్నాయి. తల్లిదండ్రులు మందలించారని.. టీచర్ కోప్పడ్డారని.. బంధువులు గొడవపడ్డారని మనస్థాపానికి గురై ఆత్మహత్యలకు పాల్పడుతున్నారు. తాజాగా అలాంటి విషాద ఘటన పశ్చిమ గోదావరి జిల్లాలో చోటుచేసుకుంది. తల్లిదండ్రులు మందలించారని యువతి బలవన్మరణానికి పాల్పడింది.

జిల్లాలోని జంగారెడ్డి గూడెం మండలం కట్టపొదలవారి గూడెం గ్రామానికి చెందిన యువతి పి.లావణ్య(19) ఆత్మహత్మ చేసుకుంది. పురుగుల మందు తాగి బలవన్మరణానికి యత్నించింది. అపస్మారక స్థితికి చేరుకున్న యువతిని గమనించిన కుటుంబ సభ్యులు, స్థానికులు ఆమెను ఏలూరు ప్రభుత్వాస్పత్రికి తరలించారు. చికిత్స పొందుతూ పరిస్థితి విషమించి ఆమె ప్రాణాలు విడిచింది. సమాచారం అందుకున్న పోలీసులు కేసు నమోదు చేసి దర్యాప్తు చేపట్టారు.

Also Read: బాలికపై వలంటీర్ పవన్ కళ్యాణ్ అత్యాచారం .. నెల్లూరులో ఘోరం