కోదాడలో ఆరేళ్ల చిన్నారిపై ఆటో డ్రైవర్ అత్యాచారం

మహిళలు, బాలికలపై అఘాయిత్యాలు నిరోధించేందుకు ప్రభుత్వాలు ఎన్ని చట్టాలు తీసుకొచ్చినా కామాంధులు మాత్రం రెచ్చిపోతూనే ఉన్నారు. ఆడపిల్ల అయితే చాలు.. వరసలు, వయసు మర్చిపోయి మరీ దుశ్చర్యలకు తెగబడుతున్నారు. తాజాగా, తెలంగాణలోని సూర్యాపేట జిల్లా కోదాడలో మరో దారుణం వెలుగులోకి వచ్చింది. ఆరేళ్ల చిన్నారిపై ఓ కామాంధుడు అత్యాచారానికి ఒడిగట్టాడు.

Also Read: అత్తతో శృంగారం.. ఆ ఫొటోలతో బెదిరించి, బాలికను గర్భవతిని చేసి..

బాధితురాలి కుటుంబ సభ్యులు, పోలీసులు తెలిపిన వివరాల మేరకు.. కోదాడ పట్టణంలోని లక్ష్మీపురం కాలనీకి చెందిన షేక్ తాజ్ (30) అనే ఆటో డ్రైవర్‌గా పనిచేస్తున్నాడు. అయితే ఇటీవల ఆరేళ్ల చిన్నారి ఆరుబయట ఆడుకుంటోంది. ఆ సమయంలో బాలికకు మాయమాటలు చెప్పి ఆటోలో ఎక్కించుకున్నాడు. అనంతరం చిన్నారిపై అత్యాచారానికి పాల్పడ్డాడు.

ఈ విషయం తెలిసిన బాలిక తల్లిదండ్రులు పోలీసులకు ఫిర్యాదు చేయడంతో ఈ ఘటన ఆలస్యంగా వెలుగులోకి వచ్చింది. దీనిపై కేసు నమోదు చేసిన పోలీసులు నిందితుడిని అదుపులోకి తీసుకున్నారు. తమదైన శైలిలో విచారించగా నేరం ఒప్పుకున్నట్లు తెలుస్తోంది. అయితే ఆరేళ్ల చిన్నారిపై అత్యాచార విషయం తెలియడంతో స్థానికులు భగ్గుమన్నారు. నిందితుడిని కఠినంగా శిక్షించాలని డిమాండ్ చేస్తున్నారు.

Also Read: Hyderabad: పుట్టిన రోజని తీసుకెళ్లి.. పదో తరగతి విద్యార్థినిపై రేప్