‘నగ్న చిత్రాలు బయటపెట్టి పరువు తీస్తా’ భార్యకు సినీ రచయిత వేధింపులు

తనపై పెట్టిన కేసును వాపసు తీసుకోకపోతే నగ్న చిత్రాలూ యూట్యూబ్‌లో పెడతానని భార్యను వేధిస్తున్న సినీ రచయితపై పోలీసులు కేసు నమోదు చేశారు. సినీ పరిశ్రమలో డైలాగ్ రైటర్‌గా పనిచేసే యెర్రంశెట్టి రమణ గౌతమ్‌ బంజారాహిల్స్‌ రోడ్డు నంబరు 12 ఎన్‌బీటీనగర్‌లో నివసిస్తున్నాడు. 2019 మార్చిలో భవానీ అనే యువతిని వివాహం చేసుకున్నారు. కొద్దిరోజులకే ఇద్దరి మధ్య మనస్పర్థలు రావడంతో భర్తపై భవానీ పోలీసులకు ఫిర్యాదు చేసింది. దీంతో బంజారాహిల్స్ పోలీసులు రమణపై ఐపీసీ 417,420,498ఎ, 493 సెక్షన్‌ల కింద కేసులు నమోదు చేశారు.

Also Read: శ్రీకాకుళం: భార్య ఎడబాటును తట్టుకోలేక మూడు రోజులకే భర్త ఆత్మహత్య

భరోసా సెంటర్లో ఇద్దరికీ కౌన్సెలింగ్ ఇవ్వడంతో కలిసి జీవించేందుకు సుముఖత వ్యక్తం చేశారు. కొద్దిరోజులకే భార్యను మళ్లీ వేధించడం మొదలుపెట్టిన రమణ ఆమెకు దూరంగా ఉంటున్నాడు. ఈ క్రమంలోనే ఆమెకు ఫోన్లు చేసి కేసు వాపసు తీసుకోవాలని , లేదంటే నగ్న చిత్రాలను యూట్యూబ్‌లో పెడతానంటూ బెదిరింపులకు పాల్పడుతున్నాడు. కట్టుకున్న భర్తే నీచంగా వేధిస్తుండటాన్ని తట్టుకోలేకపోయిన ఆమె మరోసారి పోలీసులకు ఫిర్యాదు చేసింది. దీంతో రమణపై తాజాగా కేసు నమోదు చేసిన పోలీసులు దర్యాప్తు చేపట్టారు.

Also Read: కామంతో కళ్లు మూసుకుపోయి తమ్ముడి కూతురిపైనే అత్యాచారం