టాప్ తీసేసిన సవతి తల్లి..
అమెరికాలోని ఉతాహ్ రాష్ట్రానికి చెందిన టిల్లీ బుకానన్(28) ఏళ్లు రెండేళ్ల కిందట తన భర్తతో కలసి గ్యారేజ్‌లో పనిచేస్తోంది. ఆ సమయంలో బట్టలకు మురికి అవుతుందని బుకానన్ తన టాప్ తీసేసింది. ఆమె భర్త కూడా షర్ట్ తీసేసి ఇద్దరూ పని చేసుకుంటున్నారు. తన భర్త మొదటి భార్య పిల్లలు 9 ఏళ్లు, 13 ఏళ్ల కొడుకుల ఎదుట ఆమె తన టాప్ తీసేయడంపై అభియోగాలు నమోదయ్యాయి. చిన్నపిల్లలకు ఆమె టాప్‌లెస్‌గా కనిపించడంపై ఫిర్యాదు చేయడంతో కేసు నమోదైంది.
Also Read: తమలపాకు కోసం అత్త దగ్గరికి.. మెల్లిగా కోడలితో ఎఫైర్.. బెడ్రూమ్‌లో దొరికిపోవడంతో..
పిల్లల తల్లికి తెలియడంతో..
బుకానన్ షర్ట్ తీసేసి పిల్లల ముందే టాప్‌లెస్‌గా తిరిగిన విషయం ఆమె సవతికి తెలియడంతో ఆమె చైల్డ్‌వెల్ఫేర్ అధికారులను ఆశ్రయించింది. చిన్నారుల ముందు టాప్‌లెస్‌గా తన వక్షోజాలు ప్రదర్శిస్తూ తిరిగిందన్న ఆరోపణలతో బుకానన్‌పై కేసు నమోదైంది. చిన్నారుల ఎదుట అశ్లీలంగా ప్రవర్తించిందని.. చిన్నపిల్లలపై లైంగిక నేరాలకు పాల్పడిన అభియోగాలపై ఆమెను అరెస్టు చేశారు.
సవాల్ చేసిన బుకానన్
క్రిమినల్ ఆరోపణలతో జైలుపాలైన బుకానన్.. దోషిగా తేలితే చిన్నపిల్లలపై లైంగిక నేరాలకు పాల్పడిన వారి జాబితాలో చేరుస్తారన్న విషయం తెలిసి ఆమె కోర్టులో సవాల్ చేశారు. గ్యారేజ్‌లో పనిచేస్తున్న సమయంలో తన భర్త కూడా తనతోనే ఉన్నారని.. ఆయన కూడా షర్ట్ తీసేశారని ఆమె వాదించారు. తాను టాప్ తీసేయడం అశ్లీలంగా కనిపిస్తే.. తన భర్త షర్ట్ తీసేయడం అశ్లీలంగా కనిపించడం లేదా అని ఆమె ప్రశ్నించారు. తనను అరెస్టు చేసి.. భర్తను అరెస్టు చేయకపోవడాన్ని బుకానన్ లింగవివక్షగా అభివర్ణించారు.
Read Also: శాప విముక్తి కోసమట.! ఐదుగురు అక్కాచెల్లెళ్లను నగ్నంగా నిలబెట్టి..
టాప్‌లెస్ తప్పుకాదు..
అమెరికాలో ఇలాంటి నేరారోపణలు ఎదుర్కొంటున్న మహిళలు ఏడాది పాటు ఎలాంటి నేరాలకు పాల్పడకుండా ఉంటే ఇతర ఆరోపణలను కొట్టివేసే వెసులుబాటు ఉంది. అయితే బుకానన్‌పై గతేడాది మూడు సార్లు పిల్లల ఎదుట అసభ్యంగా ప్రవర్తించిందన్న ఆరోపణలు నమోదయ్యాయి. అయితే టాప్‌లెస్‌గా తిరగడం తప్పేమీ కాదని.. అది నేరాల కిందకు ఎలా వస్తుందని ఆమె ప్రశ్నిస్తున్నారు. టాప్‌లెస్ నిషేధాన్ని రద్దు చేస్తూ కొలరాడో కోర్టు వెలువరించిన తీర్పును ఆమె ప్రస్తావించారు.
Also Read: ఇంట్లో 14 సీసీ కెమెరాలు.. 15 కుక్కలు.. అయినా దోపిడీ ఎలా చేశారంటే.!
ఫ్రీ ది నిపుల్ ఉద్యమం..
స్త్రీ శరీర భాగాలను అశ్లీలంగా భావించాల్సిన అవసరం లేదని.. సాధారణ శరీర నిర్మాణంగా చూడాల్సిన అవసరం ఉందని ఆమె తరఫు న్యాయవాది వాదనలు వినిపించారు. టాప్‌లెస్‌‌ను తప్పుబట్టడాన్ని లింగవివక్షగా అభివర్ణిస్తూ ప్రపంచ వ్యాప్తంగా ఉద్యమాలు జరుగుతున్నాయని.. అలాంటప్పుడు బుకానన్ టాప్‌లెస్‌గా తిరగడం తప్పేమీ కాదని కోర్టులో వాదించారు. 2012లో జరిగిన ఫ్రీ ది నిపుల్ ఉద్యమాన్ని లాయర్ ప్రస్తావించారు.