Karnataka: భగత్ సింగ్ నాటకం ప్రాక్టీస్ చేస్తూ.. బాలుడు మృతి

కర్ణాటకలో హృదయ విదారకరమైన ఘటన చోటుచేసుకుంది. చిత్రదుర్గలోని ఓ పాఠశాలలో జరిగిన నాటక ప్రదర్శనలో అపశృతి చోటుచేసుకుంది. ఈ ఘటనలో ఓ చిన్నారి ప్రాణాలు కోల్పోయాడు. స్కూల్లో భగత్‌సింగ్ నాటకం వేసేందుకు ప్రాక్టీస్‌ చేస్తున్న ఓ విద్యార్థి ప్రమాదవశాత్తు ప్రాణాలు కోల్పోయాడు. డ్రామాలో చివరి అంకమైన ఉరి వేసుకునే సన్నివేశాన్ని ప్రాక్టీస్ చేస్తూ.. చనిపోయాడు.

స్థానిక ఎస్‌ఎల్‌వీ పాఠశాలలో కొంతమంది విద్యార్థులు స్వతంత్ర సమరయోధుడు భగత్ సింగ్ నాటకాన్ని ప్రదర్శించేందుకు రెడీ అయ్యారు. అందులో సంజయ్ గౌడ్ (12) అనే ఏడో తరగతి విద్యార్థి... భగత్‌ సింగ్ పాత్ర వేసేందుకు సిద్ధపడ్డాడు. స్కూల్లో ఆ నాటకం బాగా రావాలనే ఉద్దేశంతో.. ఇంట్లో ప్రాక్టీస్ చేయడం మొదలుపెట్టాడు. ఇంట్లో రిహార్సల్స్ చేశాడు. అయితే నాటకంలో భాగంగా ఉరి వేసుకునే సీన్‌ను ప్రాక్ట్రీస్‌ చేశాడు. దాని కోసం తన గదిలోని ఫ్యాన్‌కు తాడు కట్టి.. తన మెడకు ఉచ్చు బిగించుకున్నాడు. అంతే నిమిషాల వ్యవధిలోనే చనిపోయినట్టు తెలుస్తుంది. తాడుకు వేలాడుతున్న పిల్లవాడిని చూసి తల్లిదండ్రులు చూసి వెంటనే ఆస్పత్రికి తరలించారు. కానీ అప్పటికే చనిపోయినట్టు వైద్యులు వెల్లడించారు.

ఈ ఘటన శనివారం రాత్రి చోటు చేసుకున్నట్లు కర్ణాటక పోలీసులు తెలిపారు. "తల్లిదండ్రులు ఇంటికి తిరిగి వచ్చిన తర్వాత... వారు తమ కొడుకు ఫ్యాన్‌కు వేలాడుతూ ఉండడాన్ని చూశారు. వారు అతన్ని జిల్లా ఆస్పత్రికి తీసుకు వెళ్లారు. అక్కడ పిల్లవాడు చనిపోయినట్టు వైద్యులు తెలిపారు. " అని సీనియర్ పోలీసు అధికారి ఒకరు తెలిపారు. దీనిపై విచారణ జరుగుతోందని అధికారి తెలిపారు. ఈ మేరకు కేసు నమోదు చేసి దర్యాప్తు చేపట్టారు.