వేములవాడలో కేటుగాళ్లు.. పోలీసులమంటూ పైసా వసూల్.. చివరికి..

ఇద్దరు కేటుగాళ్లు పోలీసులు అవతారమెత్తారు. ప్రముఖ పుణ్యక్షేత్రంలో రాత్రి వేళ నిద్రిస్తున్న వారి నుంచి డబ్బులు వసూలు చేశారు. పోలీసులమని బెదిరించి వసూళ్లకు పాల్పడడంతో అనుమానం వచ్చిన భక్తులు పోలీసులకు సమాచారం అందించడంతో కేటుగాళ్ల ఆటకట్టించారు. ఈ ఘటన రాజన్న సిరిసిల్ల జిల్లాలో జరిగింది. జిల్లాలోని ప్రముఖ పుణ్యక్షేత్రమైన వేములవాడ రాజరాజేశ్వర స్వామి దేవస్థానం వద్ద నిన్న రాత్రి నిద్రిస్తున్న యాత్రికుల నుంచి ఇద్దరు యువకులు డబ్బులు వసూలు చేశారు. పోలీసులమంటూ బెదిరించి భక్తుల వద్ద డబ్బులు లాక్కున్నారు.

అనుమానం వచ్చిన కొందరు యాత్రికులు పోలీసులకు ఫిర్యాదు చేయడంతో విచారణ చేపట్టారు. సిరిసిల్లకు చెందిన అలువాల ప్రశాంత్ (24) కొండా రాజశేఖర్(23)ను నిందితులుగా గుర్తించి అరెస్టు చేశారు. నిందితులపై కేసు నమోదు చేసి రిమాండ్‌కి తరలించినట్టు పట్టణ సీఐ వెంకటేష్ తెలిపారు. పట్టణ ప్రజలు, యాత్రికులు ఇలాంటి కేటుగాళ్ల నుంచి అప్రమత్తంగా ఉండాలన్నారు. మఫ్టీలో ఎవరైనా కొత్త వారు పోలీసులమంటూ బెదిరించినా.. వారిపై మీకు అనుమానం కలిగినా వెంటనే డయల్ 100కి కాల్ చేసి సమాచారం అందించాలని కోరారు.

Also Read: యువకుడితో అర్ధరాత్రి భార్య.. భర్త ఇంటికి రావడంతో.. దారుణం