కొడుకు ముందే తల్లిదండ్రుల నీచ ప్రవర్తన.. భవిష్యత్తు నాశనం

దారితప్పిన తల్లిదండ్రులు చేసే నీచపు పనులు లేతమనసులపై ఎలాంటి ప్రభావం చూపిస్తాయో.. ఎంత కఠినంగా, కర్కశంగా మారుస్తామో తెలిపే అత్యంత దారుణ ఘటన ఒకటి వెలుగుచూసింది. శృంగార కోరికలతో రెచ్చిపోయిన ఓ మహిళ విచ్చలవిడిగా వ్యవహరించి చివరికి కన్నకొడుకు చేతిలో ప్రాణాలు కోల్పోయిన ఘటన చోటుచేసుకుంది. కొడుకు ముందే గొడవపడే తల్లిదండ్రుల దిగజారుడు మాటలు విని ఆగ్రహంతో రగిలిపోయి కత్తిపట్టి భవిష్యత్తును కోల్పోయాడో పదో తరగతి పిల్లాడు. ఈ దారుణ ఘటన తమిళనాడులో చోటుచేసుకుంది.

కడలూరు జిల్లా చిదంబరం ప్రాంతానికి చెందిన మురుగేశన్, సరిత(35) (పేర్లు మార్చాం) దంపతులు. వారికి పదో తరగతి చదువుతున్న కొడుకు(15) ఉన్నాడు. విచ్చలవిడి శృంగార కోరికలతో భార్య సరిత దారితప్పింది. పలువురితో అక్రమ సంబంధాలు పెట్టుకుంది. అదే విషయమై భార్యాభర్తలు తరచూ గొడవపడేవారు. ఎదిగి వస్తున్న కొడుకు ఉన్నాడనే కనీస విచక్షణ లేకుండా అతని ముందే నీచపు మాటలు మాట్లాడుకునేవారు. భర్త ఎంత చెప్పినా పద్ధతి మార్చుకోని సరిత తనకంటే వయసులో చిన్నవాడైన యువకుడితో ఎఫైర్ పెట్టుకుంది.

పుట్టింటికి వెళ్తున్నానని చెప్పి వెళ్లి మూడు రోజుల తర్వాత తిరిగి వచ్చింది. ఎక్కడికి వెళ్లావంటూ భర్త నిలదీయడంతో నా ఇష్టం అంటూ తెగేసి చెప్పింది. విసిగిపోయిన భర్త చేసేదేమీ లేక అక్కడి నుంచి వెళ్లిపోయాడు. తల్లిదండ్రుల అసభ్యకర మాటలు వింటూ పెరిగిన ఆ కొడుకు మనసులో కల్లోలం రేగింది. తల్లి ప్రవర్తనపై ఆగ్రహంతో రగిలిపోయాడు. ఆమెను అంతం చేయాలని నిర్ణయించుకున్నాడు. తల్లి వ్యవహారం తెలిసి తట్టుకోలేక కత్తితో గుండెల్లో పొడిచేశాడు. ఆమె రక్తపు మడుగులో అక్కడికక్కడే కుప్పకూలిపోయింది. మైనర్ కొడుకును పోలీసులు జువైనెల్ హోమ్‌కి తరలించారు. దారితప్పిన తల్లిదండ్రుల కారణంగా కొడుకు భవిష్యత్తు నాశనమైంది.

Also Read: