వీఆర్‌ఏ భార్యపై కన్నేసిన వీఆర్వో.. కోరిక తీర్చాలంటూ.. కరీంనగర్‌లో కలకలం

వీఆర్‌ఏ భార్యపై కన్నేసిన వీఆర్వో కోరిక తీర్చాలంటూ వేధింపులకు పాల్పడిన ఘటన కరీంనగర్ జిల్లాలో కలకలం రేపుతోంది. నిత్యం ఏదో పని అప్పజెప్పి వీఆర్‌ఏని బయటికి పంపించి అతని భార్యని లైంగిక వేధింపులకు గురిచేస్తున్న విషయం వెలుగులోకి వచ్చింది. వేధింపులు భరించలేకపోయిన బాధితురాలు కరీంనగర్ పోలీసులను ఆశ్రయించడం చర్చనీయాంశంగా మారింది.

కరీంనగర్ రూరల్ మండల పరిధిలోని గోపాల్ పూర్, దుర్శేడ్, వల్లంపహాడ్, ఇరుకుల్ల గ్రామాల బాధ్యతలు చూసే వీఆర్వో రాజమల్లు తన కింద పనిచేస్తున్న వీఆర్‌ఏ భార్యపై కన్నేశాడు. నిత్యం సదరు వీఆర్‌ఏ ఇంటికి వెళ్లి అతని భార్యను వేధింపులకు గురిచేసేవాడు. ఏదో ఒక పని పురమాయించి వీఆర్ఏని బయటికి పంపించి తన కోరిక తీర్చాలంటూ అతని భార్యను లైంగికంగా వేధిస్తున్నాడు.

Also Read: కోవిడ్ ఆస్పత్రిలో కామపిశాచి.. లేడీ డాక్టర్ నోరుమూసి.. దారుణం

కొద్దికాలం మౌనంగా భరించిన బాధితురాలు.. వేధింపులు ఎక్కువవడంతో కరీంనగర్ పోలీసులను ఆశ్రయించింది. వీఆర్వో లైంగిక వేధింపులకు గురిచేస్తున్నాడని ఫిర్యాదు చేసింది. విషయం తెలుసుకున్న వీఆర్వో రాజమల్లు పరారైనట్లు తెలుస్తోంది. లైంగిక వేధింపులకు పాల్పడిన వీఆర్వో చర్యలు తీసుకోవాల్సిన తహసీల్దార్ విషయాన్ని తొక్కిపెట్టేందుకు ప్రయత్నిస్తున్నారన్న విమర్శలు వస్తున్నాయి.

వీఆర్వోపై విచారణ జరిపించి చర్యలు తీసుకోకుండా ఫిర్యాదు వెనక్కి తీసుకోవాలంటూ బాధితులపై ఒత్తిడి తెస్తున్నట్లు సమాచారం. బాధితులకు న్యాయం చేయాల్సింది పోయి.. అధికారులే నిందితులకు వత్తాసు పలుకుతున్నారన్న విమర్శలు వినిపిస్తున్నాయి. జిల్లా ఉన్నతాధికారులు ఈ ఘటనపై విచారణ జరిపి న్యాయం చేయాలని బాధితులు కోరుతున్నారు.

Read Also: ప్రేమపేరుతో పాస్టర్ పాడుపని.. యువతిని గర్భవతిని చేసి.. మోజు తీరాక..