Warangal: కరోనా సోకిందని పురుగుల మందు తాగేసిన మహిళ

కరోనా భయం ప్రజలను వెంటాడుతోంది. కరోనా వైరస్ సోకిందని తెలిసి మహిళ ఆత్మహత్య చేసుకుని చనిపోయిన విషాద ఘటన వరంగల్‌లో చోటుచేసుకుంది. వరంగల్ అర్బన్ పరిధిలోని హసన్‌పర్తి ఆరోగ్యం కేంద్రంలో మహిళ(50) కరోనా పరీక్షలు చేయించుకుంది. ఆమెకు పాజిటివ్‌గా తేలడంతో వైద్య సిబ్బంది. ఆమెకి హోం ఐసోలేషన్‌లో ఉండాలని సూచించి.. మెడికల్ కిట్ అందజేశారు.

హోం ఐసోలేషన్ కిట్ తీసుకుని ఇంటికి బయల్దేరిన మహిళ అఘాయిత్యానికి పాల్పడింది. కరోనా సోకిందన్న భయంతో పురుగుల మందు తాగేసింది. గమనించిన స్థానికులు 108కి సమాచారం అందించారు. అక్కడికి చేరుకున్న వైద్య సిబ్బంది ఆమె కుటుంబ సభ్యుల సహకారంతో ఆమెను వరంగల్ ఎంజీఎం ఆస్పత్రికి తరలించారు. ఆస్పత్రికి తీసుకెళ్లిన కొద్దిసేపటికే ఆమె చికిత్స పొందుతూ ప్రాణాలు కోల్పోయింది. కరోనా భయంతో మహిళ ప్రాణాలు తీసుకోవడం స్థానికులను కలచివేసింది.

Also Read: కరోనా వచ్చిందంటూ హేళన.. వ్యక్తి ఆత్మహత్య.. అనంతపురంలో విషాదం