మహిళా ఎస్సై ఆత్మహత్యాయత్నం.! గుంటూరులో తీవ్ర కలకలం

మహిళా ఎస్సై ఆత్మహత్యాయత్నం చేసిన ఘటన గుంటూరులో తీవ్ర కలకలం రేపుతోంది. జిల్లా స్థాయి ఉన్నతాధికారి వేధింపులు తట్టుకోలేక ఎస్సై బలవన్మరణానికి ప్రయత్నించినట్లు తెలుస్తోంది. పెదకూరపాడు ఎక్సైజ్ పోలీస్ స్టేషన్‌లో పనిచేస్తున్న మహిళా అధికారిణి నిద్రమాత్రలు మింగి ఆత్మహత్యకు యత్నించారు. మద్య నియంత్రణ కోసం ప్రభుత్వం ప్రత్యేకం ఏర్పాటు చేసిన స్పెషల్ ఎన్‌ఫోర్స్‌మెంట్ బ్యూరో(ఎస్‌ఈబీ) సూపరింటెండెంట్ కె.బాలకృష్ణన్ వేధింపుల కారణంగానే ఆమె అఘాయిత్యానికి పాల్పడ్డారన్న ఆరోపణలు వినిపిస్తున్నాయి.

అయితే ఈ ఘటనను ఎక్సైజ్ ఉన్నతాధికారులు సీరియస్‌గా తీసుకున్నట్లు తెలుస్తోంది. సూపరింటెండెంట్ బాలకృష్ణన్‌‌పై సస్పెన్షన్ వేటు వేసినట్లు సమాచారం. బాలకృష్ణన్‌పై ఆరోపణలను విచారించేందుకు ఓ కమిటీని కూడా నియమించినట్లు తెలుస్తోంది. కమిటీ గుంటూరులోని ఎక్సైజ్ శాఖ కార్యాలయంలో బాధితులను పిలిచి విచారిస్తున్నట్లు సమాచారం. విచారణ కమిటీ ఎదుట బాధితులు గగ్గోలు పెట్టినట్లు తెలుస్తోంది.

Also Read: హతవిధీ!! దొరికిపోయిన సెక్స్ వర్కర్లకి కరోనా.. విటుల వేటలో అధికారులు

గతంలోనూ ఇదే అధికారిపై లైంగిక వేధింపుల ఆరోపణలు వచ్చాయి. తమ శాఖలో పనిచేస్తున్న మహిళా సిబ్బందిని వేధింపులకు గురిచేస్తున్నారన్న విమర్శలను ఆయన ఎదుర్కొన్నారు. గుంటూరు నగరంలో పనిచేస్తున్న మరో మహిళా అధికారిపై కూడా వేధింపులకు పాల్పడ్డారన్న ఆరోపణలు వినిపిస్తున్నాయి. గతంలో ఆరోపణల సమయంలోనూ ఆయనపై ఎలాంటి చర్యలు లేకపోవడంతో వేధింపులు ఎక్కువైనట్లు తెలుస్తోంది. అందువల్లే మహిళా ఎస్సై ఆత్మహత్యాయత్నం చేశారన్న ఆరోపణలు వస్తున్నాయి.

Read Also: అర్ధరాత్రి ఆగిపోయిన కారు.. నిస్సహాయురాలైన మహిళను చూసిన కీచకులు.. నీచం