ఆపరేషన్‌కి ముందు ఎక్కువైన మత్తు ఇంజెక్షన్.. అనంతలో విషాదం

థైరాయిడ్ సమస్యతో ఆస్పత్రికి వచ్చిన మహిళ అనస్తీషియా ఎక్కువై మృతి చెందిన విషాద ఘటన అనంతపురంలో చోటుచేసుకుంది. ఎక్కువ మోతాదులో మత్తు ఇంజెక్షన్ ఇవ్వడంతో వికటించి ఆమె మృతి చెందినట్లు బంధువులు ఆరోపిస్తూ ఆస్పత్రి వద్ద బంధువుల ఆందోళన చేపట్టారు. శింగనమల మండలం శ్రీపురంకి చెందిన వివాహిత రాధ థైరాయిడ్ సమస్యతో బాధపడుతోంది. అనంతపురంలోని శ్రీనివాస ఆస్పత్రి వైద్యులు ఆపరేషన్ చేయాలని చెప్పడంతో ఆస్పత్రిలో చేరింది. ఆపరేషన్‌కి ముందు అనస్తీషియా ఇంజెక్షన్ ఇచ్చారు. సడెన్‌గా ఆమె పరిస్థితి విషమించి మృతి చెందింది. అధిక మోతాదులో మత్తు ఎక్కించడంతో వికటించి ఆమె ప్రాణాలు కోల్పోయినట్లు మృతురాలి బంధువులు ఆగ్రహం వ్యక్తం చేశారు. రాధ మృతికి ఆస్పత్రి వైద్యుల నిర్లక్ష్యమే కారణమంటూ హాస్పిటల్ ఎదుట ఆందోళనకు దిగారు.

Also Read: కన్నతండ్రి గొంతుపై కాలేసి తొక్కిన కర్కోటకులు.. ఆస్తి కోసం అమరావతిలో ఘోరం