Hyderabad: నగరం నడిబొడ్డున మహిళ శవం.. టాటూనే ఆధారం.. ఎవరామె?

హైదరాబాద్ నగరంలో దారుణ ఘటన వెలుగుచూసింది. మహిళను కిరాతకంగా చంపేసి ప్లాస్టిక్ కవర్లలో చుట్టి చెరువులో పడేసిన అమానుష ఘటన ఆలస్యంగా వెలుగులోకి వచ్చింది. బోరబండ సమీపంలోని సున్నం చెరువులో ప్లాస్టిక్ కవర్లలో చుట్టిన మృతదేహం తేలిందని సమాచారం రావడంతో సనత్ నగర్ పోలీసులు సంఘటన స్థలానికి చేరుకున్నారు. శవాన్ని చెరువులో నుంచి బయటకి తీయించారు.

సన్నని తాడుతో కాళ్లు, చేతులు కట్టేసి ఉన్న మహిళ మృతదేహం బాగా ఉబ్బిపోయి ఉండడంతో ఆనవాళ్లు తెలియడం లేదు. మృతదేహాన్ని చెరువులో పడేసి చాలా రోజులు అయి ఉంటుందని పోలీసులు అనుమానిస్తున్నారు. మృతదేహాన్ని క్షుణ్ణంగా పరిశీలించారు. మహిళ మృతదేహం తలపై బలమైన గాయాలున్నట్లు గుర్తించారు. మహిళను ఎవరో హత్య చేసి చెరువులో పడేసి ఉంటారని అనుమానిస్తున్నారు.

Also Read: ఐఆర్‌ఎస్ అధికారి శృంగార లీలలు.! ఒంటరినని చెప్పి మహిళతో ఎఫైర్.. రెండేళ్లు..

మహిళ వయస్సు 30 నుంచి 40 ఏళ్ల మధ్య ఉండొచ్చని తెలుస్తోంది. ఆమె కుడిచేతిపై ‘ఎస్’ అనే అక్షరం టాటూ వేయించుకుని ఉంది. మృతదేహం పూర్తిగా పాడవడంతో మహిళను గుర్తించేందుకు టాటూ ఒక్కటే ఆధారమైంది. ఎస్ అనే టాటూ వేయించుకున్న మహిళ ఎవరికైనా తెలిస్తే తమను సంప్రదించాలని సనత్ నగర్ పోలీసులు విజ్ఞప్తి చేస్తున్నారు. హత్య కేసు నమోదు చేసిన పోలీసులు విచారణ చేపట్టారు.

Read Also: బాలికపై టెన్త్ విద్యార్థుల పైశాచికం.. సెక్స్ వీడియోలు చూపించి.. పదేపదే అత్యాచారం