కోడలిపై కన్నేసిన కీచక మామ.. కోరిక తీర్చమంటూ.. కామారెడ్డిలో దారుణం

కన్నకూతురిలా చూసుకోవాల్సిన కొడుకు భార్యపై కన్నేశాడో కీచక మామ. ఉపాధి కోసం కొడుకు విదేశాలకు వెళ్లడంతో కోడలిపై కామంతో రెచ్చిపోయాడు. కోరిక తీర్చాలంటూ వేధింపులకు గురిచేశాడు. మామ లైంగిక వేధింపులు భరించలేకపోయిన బాధితురాలు మనస్థాపంతో ఆత్మహత్యాయత్నం చేసింది. ఆస్పత్రికి తీసుకెళ్లడంతో ప్రాణాపాయం తప్పింది. ఈ అమానుష ఘటన కామారెడ్డి జిల్లాలో చోటుచేసుకుంది.

పట్టణంలోని లింగాపూర్‌కి చెందిన యువకుడికి అదే ప్రాంతానికి చెందిన యువతితో వివాహమైంది. ఉపాధి రీత్యా భర్త దుబాయ్‌ వెళ్లడంతో ఆమె అత్తమామలతో కలసి ఇంటి వద్దే ఉంటోంది. కామంతో కళ్లు మూసుకుపోయిన మామ కూతురిలా చూసుకోవాల్సిన కొడుకు భార్యపై కన్నేశాడు. వావీవరసలు మరచి పశువులా ప్రవర్తించాడు. కామకోరికలు తీర్చాలంటూ ఆమెను వేధించడం మొదలుపెట్టాడు.

మామ లైంగిక వేధింపులు ఎక్కువవడంతో మనస్థాపం చెందిన కోడలు ఆత్మహత్యాయత్నం చేసింది.
శానిటైజర్ తాగి బలవన్మరణానికి యత్నించింది. వెంటనే ఆస్పత్రికి తరలించడంతో వైద్యులు చికిత్స అందించారు. వారం రోజులు ఆస్పత్రిలోనే ఉన్న కోడలు డిశ్చార్జి అవడంతో ఆమె ఇంటికి చేరుకుంది. ఆమెతో వచ్చిన బంధువులు కామంతో నీచానికి పాల్పడిన మామకి చితకబాదారు. అనంతరం పోలీసులకు అప్పగించారు.

Also Read: ఇంటి ఓనర్ భార్యతో మాటలు కలిపిన భర్త.. భార్య కంటపడడంతో.!

వేములవాడకి చెందిన మామ నలభై ఏళ్ల కిందట ఇల్లరికం వచ్చి లింగాపూర్‌లో స్థిరపడినట్లు తెలుస్తోంది. మొదటి భార్యకి పిల్లలు పుట్టకపోవడంతో భార్య సొంత చెల్లెలిని రెండో వివాహం చేసుకున్నాడు. కొడుకు ఉపాధి కోసం విదేశాలకు వెళ్లడంతో మామ ఇంట్లోనే ఉంటున్న కోడలిపై అకృత్యానికి తెగబడినట్లు తెలుస్తోంది.

Read Also: వ్యక్తి ప్రాణం తీసిన గేదె.. షాకింగ్ ఘటన