భర్త అప్పులు తీర్చడానికి దొంగగా మారిన భార్య.. గుంటూరులో షాకింగ్ ఘటన

భర్త చేసిన అప్పులు తీర్చడానికి భార్య దొంగగా మారిన షాకింగ్ ఘటన గుంటూరు జిల్లాలో జరిగింది. అప్పుల్లో కూరుకుపోయిన భర్తని బయటపడేసేందుకు ఓ కూతురు ఏకంగా కన్నవాళ్ల ఇంటికే కన్నమేసింది. ఈ ఘటన పిడుగురాళ్లలో జరిగింది. తల్లిదండ్రులు ఇంట్లో లేని సమయంలో విలువైన బంగారు ఆభరణాలను దోచేసింది. ఇంటికి తిరిగి వచ్చిన తల్లిదండ్రులు ఇంట్లో నగలు చోరీకి గురికావడాన్ని గుర్తించి వెంటనే పోలీసులను ఆశ్రయించారు. పోలీసులు రంగంలోకి దిగి విచారణ చేపట్టడంతో షాకింగ్ విషయాలు వెలుగులోకి వచ్చాయి. కన్నకూతురే ఇంట్లో నగలు చోరీ చేసినట్లు తేలడంతో అంతా షాక్‌కి గురయ్యారు. తన భర్త అప్పులు తీర్చడం కోసమే చోరీకి చేశానని కూతురు ఒప్పుకున్నట్లు సమాచారం. పూర్తి వివరాలు తెలియాల్సి ఉంది.

Also Read: బంధువులని బెడ్రూమ్ ఇస్తే నీచం.. గుంటూరులో షాకింగ్ ఘటన