బెడ్‌పై భార్య, ఉరికి వేలాడుతూ భర్త.. పెళ్లైన మూణ్నెళ్లకే నవజంట మిస్టరీ మరణం

ఇద్దరూ ఒకరినొకరు ప్రేమించుకున్నారు. పెద్దలను ఎదిరించి పారిపోయి పెళ్లి చేసుకున్నారు. వివాహమై మూణ్నెళ్లు తిరక్కుండానే నవజంట విగతజీవులుగా కనిపించారు. భార్య బెడ్‌పై చనిపోయి పడి ఉండగా.. భర్త ఉరికి వేలాడుతూ దర్శనమిచ్చాడు. ఇంతకీ వాళ్లిద్దరూ ఆత్మహత్య చేసుకున్నారా? లేక ఎవరైనా హత్య చేశారా? కేరళలోని అలప్పుజాలో వెలుగుచూసిన జంట మరణాలు మిస్టరీగా మారాయి.

జిల్లాలోని పాండలం ఏరియాకి చెందిన జితిన్(30) అదే ప్రాంతానికి చెందిన టీనేజ్ యువతి దేవికా దాస్‌ని ప్రేమించాడు. ఇద్దరూ పెళ్లి చేసుకోవాలని నిర్ణయించుకుని రెండేళ్ల కిందట ఇంటి నుంచి పారిపోయారు. అయితే అప్పటికి యువతి మైనర్ కావడంతో జితిన్‌పై పోక్సో చట్టం కింద కేసు నమోదైంది. జితిన్‌ అంటే ఇష్టమని.. అతనినే పెళ్లి చేసుకుంటానని దేవిక న్యాయమూర్తి ఎదుట స్పష్టం చెప్పడంతో ఆమెను చిల్డ్రన్స్ హోమ్‌కి తరలించారు.

అనంతరం ఆమె మేజర్ అయిన తరువాత ప్రియుడితో కలసి కొద్దికాలం సహజీవనం చేసింది. ఇద్దరూ గత మే 6న వివాహ బంధంతో ఒక్కటయ్యారు. చెన్నిత్తలలో అద్దె ఇంట్లో కాపురం పెట్టారు. పెయింట్ పనులు చేసుకుంటూ జితిన్ కుటుంబాన్ని పోషిస్తున్నాడు. సాఫీగా సాగిపోతున్న కాపురంలో ఊహించని కుదుపు ఎదురైంది. సడెన్‌గా ఇద్దరూ విగతజీవులుగా కనిపించారు. మూణ్నెళ్లు తిరక్కుండానే నవజంట ఇంట్లో శవాలుగా మారారు.

జితిన్ పనిలోకి రాలేదని కాంట్రాక్టర్ ఇంటికి వచ్చి చూసేసరికి ఇద్దరూ విగతజీవులుగా కనిపించారు. మంచంపై దేవిక చనిపోయి పడి ఉండగా.. జితిన్ ఉరికి వేలాడుతూ కనిపించాడు. సమాచారం అందుకున్న పోలీసులు స్పాట్‌కి చేరుకుని పరిశీలించారు. దేవిక శరీరంపై గాయాలున్నాయి. ఆమెను ఎవరో హత్య చేసినట్లుగా అనుమానిస్తున్నారు. భర్త జితిన్ ఆత్మహత్య చేసుకున్నట్లుగా తెలుస్తోంది.

Also Read: అత్తతో అల్లుడి రాసలీలలు.. మామకి తెలిసిపోవడంతో.. దారుణం

లాక్‌డౌన్ ఇబ్బందుల కారణంగా భార్యాభర్తలు ప్రాణాలు తీసుకుని ఉంటారని అనుమానాలు వ్యక్తమవుతున్నాయి. అయితే భార్య ఒంటిపై గాయాలు పలు అనుమానాలు రేకెత్తిస్తున్నాయి. భార్యను హత్య చేసిన జితిన్.. ఆ తరువాత ఆత్మహత్య చేసుకుని ఉండొచ్చన్న అనుమానాలు వ్యక్తం చేస్తున్నారు. పోలీసు విచారణలో అసలు నిజాలు నిగ్గుతేలాల్సి ఉంది.

Read Also: ప్రియుడితో పడకగదిలో రెచ్చిపోయిన కూతురు.. తల్లి చూసిందని..