పెళ్లి చేసుకోవడానికి ప్రేమికుడు నిరాకరించడంతో ఓ యువతి ఇంట్లో నుంచి వెళ్లిపోయిన ఘటన హైదరాబాద్ గోల్కొండ ఠాణా పరిధిలో జరిగింది. గోల్కొండ జిన్సీ బజార్కు చెందిన అమీనా సుల్తానా ప్రభుత్వ పాఠశాల టీచర్గా పనిచేస్తోంది. కొంతకాలంగా ఆరోగ్యం సరిగా ఉండకపోవడంతో తన కూతురు అలీనా హమీదా(19)కి త్వరగా పెళ్లి చేయాలని అనుకుంది. కూతురి వద్ద పెళ్లి ప్రస్తావన తేగా తాను నవాజ్ అనే అబ్బాయిని లవ్ చేస్తున్నట్లు చెప్పింది. పెళ్లి చేసుకుంటే ఆ యువకుడినే చేసుకుంటానని పట్టుపట్టడంతో అమీనా పెళ్లి విషయమై నవాజ్తో ఫోన్లో మాట్లాడింది. కానీ ఆ యువకుడు పెళ్లికి నిరాకరించాడు. దీంతో అమీనా తన కూతురును గోల్కొండ రిసాలాబజార్లో ఉండే సోదరి ఇంటికి పంపింది.
కొద్దిరోజుల పాటు అక్కడే ఉన్న హమీదా ఈనెల 9వ తేదీన కనిపించకుండా పోయింది. తాను ఆత్మహత్య చేసుకుంటున్నానని, తనకోసం వెతకొద్దని తల్లికి వాట్సాప్లో మెసేజ్ పెట్టింది. దీంతో ఆందోళనపడిన అమీనా సుల్తానా గోల్కొండ పోలీసులకు ఫిర్యాదు చేసింది. ఈ మేరకు కేసు నమోదు చేసుకున్న పోలీసులు దర్యాప్తు చేస్తున్నారు.
కొద్దిరోజుల పాటు అక్కడే ఉన్న హమీదా ఈనెల 9వ తేదీన కనిపించకుండా పోయింది. తాను ఆత్మహత్య చేసుకుంటున్నానని, తనకోసం వెతకొద్దని తల్లికి వాట్సాప్లో మెసేజ్ పెట్టింది. దీంతో ఆందోళనపడిన అమీనా సుల్తానా గోల్కొండ పోలీసులకు ఫిర్యాదు చేసింది. ఈ మేరకు కేసు నమోదు చేసుకున్న పోలీసులు దర్యాప్తు చేస్తున్నారు.