గోవాలో రేప్ చేసి... రూ.25లక్షలు ఇవ్వాలంటూ వేధింపులు

యువతిని అత్యాచారం చేయడమే కాకుండా ఆ సమయంలో తీసిన ఫోటోలు, వీడియోలతో బెదిరించి లైంగిక వాంఛలు తీర్చుకుంటున్న ఓ యువకుడిపై మహారాష్ట్రలోని పల్‌ఘర్ పోలీసులు కేసు నమోదు చేశారు. పల్‌ఘర్ పట్టణానికి చెందిన ఓ యువతి(23) ఓ కాలేజీలో చదువుతోంది. కొద్ది నెలల క్రితం ఆమె ఫ్రెండ్స్‌తో కలిసి గోవాకు విహారయాత్రకు వెళ్లింది. అక్కడ దహను ప్రాంతానికి చెందిన హైతిక్ భరత్‌షా అనే యువకుడు ఆమెను బెదిరించి అత్యాచారం చేశాడు. అంతటితో ఆగకుండా ఆ తతంగాన్నంతా వీడియో, ఫోటోలు తీసి ఈ విషయాన్ని ఎవరికైనా చెబితే సోషల్‌మీడియాలో పెడతానని బెదిరించాడు.

Also Read: అమ్మాయి పిలిచిందని లాడ్జికి వెళ్లాడు.. అక్కడ సీన్ చూసి షాక్

కొద్దిరోజుల పాటు ఆమెతో టచ్‌లోకి వచ్చిన భరత్ ఆ ఫోటోలు, వీడియోలు చూపించి బాధితురాలిని బెదిరించాడు. వాటిని అడ్డం పెట్టుకుని అనేకసార్లు ఆమెపై లైంగిక దాడికి పాల్పడ్డాడు. కొద్దిరోజుల క్రితం భరత్ ఆ యువతితో దిగిన అసభ్యకరమైన ఫోటోను వాట్సాప్ ప్రొఫైల్‌ పిక్‌గా పెట్టుకున్నాడు. దీన్ని చూసిన బాధితురాలు నిలదీయగా రూ.25లక్షలు ఇవ్వకపోతే మొత్తం ఫోటోలను సోషల్‌మీడియాలో పోస్టు చేస్తానని బెదిరించాడు.

Also Read: ఆర్టీసీ డ్రైవర్‌తో ఆటోడ్రైవర్ భార్య అఫైర్.. అడ్డుగా ఉన్నాడని హత్య

దీంతో ఆమె మంగళవారం పోలీసులను ఆశ్రయించి తనకు జరిగిన అన్యాయాన్ని వివరించింది. భరత్ తనను బెదిరించి కొన్ని డాక్యుమెంట్స్‌పై సంతకాలు చేయించుకున్నాడని, వాటితో తమ ఇద్దరికి పెళ్లి జరిగినట్లు మ్యారేజ్ సర్టిఫికెట్ తయారుచేశాడని ఆమె ఫిర్యాదులో పేర్కొంది. దీంతో నిందితుడిపై అత్యాచారం, లైంగిక వేధింపులు, బెదిరింపు నేరాల కింద కేసు నమోదు చేసుకున్న పోలీసులు దర్యాప్తు చేపట్టారు.

Also Read: కర్నూలులో పట్టపగలే వివాహిత దారుణహత్య