గుంటూరు: యువకుడి దారుణ హత్య.. రోకలిబండతో కిరాతకంగా కొట్టి..

గుంటూరులో దారుణ హత్య చోటుచేసుకుంది. యువకుడిని రోకలిబండతో అతికిరాతకంగా కొట్టి చంపిన ఘటన కలకలం రేపింది. నగరంలో పట్టాభిపురం భాగ్యనగర్‌లో ఈ దారుణ ఘటన జరిగింది. వివాహేతర సంబంధం నేపథ్యంలో హత్య జరిగినట్లుగా తెలుస్తోంది. నగరానికి చెందిన షేక్ నాగకుమార్ అనే యువకుడి తలపై రోకలిబండతో విచక్షణారహితంగా కొట్టడంతో అక్కడికక్కడే కుప్పకూలినట్లు తెలుస్తోంది.

Read Also: నా మొగుడ్ని చంపేస్తే బాగుండేది కదా.! ప్రియుడితో భార్య .. గుంటూరులో దారుణం

అక్రమ సంబంధం పెట్టుకున్నాడన్న కోపంతో మంగరాజు, పుల్లయ్య అనే ఇద్దరు వ్యక్తులు నాగకుమార్‌పై దాడి చేసి హతమార్చినట్లు సమాచారం. స్థానికుల సమాచారం మేరకు పోలీసులు సంఘటన స్థలానికి చేరుకున్నారు. నాగకుమార్ మృతదేహాన్ని పోస్టుమార్టం నిమిత్తం గుంటూరు ప్రభుత్వాసుపత్రికి తరలించారు. పట్టాభిపురం పోలీసులు కేసు నమోదు చేసుకుని దర్యాప్తు చేపట్టారు. పూర్తి వివరాలు తెలియాల్సి ఉంది.

Also Read: రూ.5 కోట్ల నుంచి రూ.5 లక్షలకు బేరం.. ధైర్యం సరిపోక దారుణం