కర్నూలు: యువకుడిపై యువతి యాసిడ్ దాడి.. వారంలో రెండోసారట

కర్నూలు జిల్లాలో దారుణం జరిగింది. నంద్యాల మండలం పెద్దకొట్టాలలో ఓ యువతి యువకుడిపై యాసిడ్‌ దాడి చేసింది. గ్రామానికి చెందిన నాగేంద్ర సుప్రియలు మూడేళ్లగా ప్రేమించుకుంటున్నారు. ఇద్దరి కులాలు వేరని, ప్రేమ పెళ్లికి ఇంట్లో పెద్దలు ఒప్పుకోరని నాగేంద్ర ఆమెతో ప్రేమకు బ్రేకప్‌ చెప్పాడు. అయితే ప్రేమించి తనను పెళ్లి చేసుకోలేదని అతడిపై కోపంతో ఉంది.. అంతేకాదు అతడు మరో యువతిని పెళ్లి చేసుకోవడంతో ఆమె కక్ష పెంచుకుంది. అందుకే నాగేంద్రపై యాసిడ్‌ పోసింది. యువతి గత వారమే అతడిపై యాసిడ్ పోసింది. ఆ ఘటనలో చేయి కాలగా.. పెద్ద ప్రమాదం నుంచి తప్పించుకున్నాడు. ఆ గాయం నుంచి కోలుకోక ముందే తాజాగా మరోసారి యాసిడ్‌ దాడికి పాల్పడింది.
బాధితుడ్ని కుటుంబ సభ్యులు ఆస్పత్రికి తరలించారు. దాడిలో అతడికి తీవ్ర గాయాలైనట్లు తెలుస్తోంది.. డాక్టర్లు వైద్యం అందిస్తున్నారు. ఈ ఘటనపై కేసు నమోదు చేసిన పోలీసులు.. యువతిని అరెస్ట్ చేసేందుకు సిద్ధమయ్యారు. ఘటనకు సంబంధించిన పూర్తి వివరాలు తెలియాల్సి ఉంది. అయితే యువకుడిపై వారం వ్యవధిలోనే రెండుసార్లు యాసిడ్ దాడి జరగడం ఆసక్తికరంగా మారింది.