కర్నూలు: పొలానికి వెళ్లిన యువతి శవమైంది.. మిస్టరీగా మారిన ఘటన

కర్నూలు జిల్లాలో యువతి అనుమానాస్పద మృతి తీవ్ర కలకలం రేపుతోంది. గోనెగండ్ల మండల పరిధిలోని ఎర్రబాడు గ్రామానికి చెందిన హజరాబీ(23) అనే యువతి సోమవారం ఉదయం పొలం పనుల కోసం వెళ్లింది. రాత్రయినా తిరిగి రాకపోవడంతో కంగారుపడిన కుటుంబసభ్యులు చుట్టుపక్కల ప్రాంతాల్లో వెతగ్గా కంప చెట్లలో అనుమానాస్పద స్థితిలో విగత జీవిగా కనిపించింది. ఎర్రబాడు గ్రామానికి చెందిన ఉసేన్‌సాహెబ్, బేగంబీలకు ఇద్దరు కుమారులు, ఇద్దరు కూతుళ్లు ఉన్నారు.

Also Read: హైదరాబాద్: కూతురిపైనే కామం.. ఆమె న్యూడ్ ఫోటోలు దాచుకుని పాడుపని

వీరి కుటుంబం వ్యవసాయం చేస్తూ జీవనం కొనసాగిస్తోంది. సోమవారం ఉదయం కుటుంబ సభ్యులందరూ కలిసి పొలానికి వెళ్లారు. పనులు ముగించుకుని సాయంత్రం ఇంటికి చేరుకున్నారు. అయితే కాస్త ముందుగా బయలుదేరిన చిన్న కూతురు హజరాబీ(23) ఇంటికి చేరుకోలేదు. దీంతో ఆందోళన చెందిన సోదరులు దగ్గరి బంధువు ఉదూద్‌బాషాతో కలిసి పొలానికి వెళ్లి గాలించారు. కంప చెట్లలో అనుమానాస్పద స్థితిలో విగతజీవిగా పడివున్న హజరాబీని చూసి వారు షాకయ్యారు.

Also Read: డబ్బున్న అమ్మాయిలే అతడి టార్గెట్.. పెళ్లి పేరుతో అంతా దోచుకుని మాయం

ఈ విషయాన్ని తల్లిదండ్రులకు చెప్పడంతో వారు భోరున విలపిస్తూ అక్కడికి చేరుకున్నారు. దీనిపై సమాచారం అందుకున్న కర్నూలు డీఎస్పీ వెంకటరామయ్య, ట్రైనీ డీఎస్పీ భవ్యకిషోర్, కోడుమూరు సీఐ పార్థసారథి రెడ్డి, గోనెగండ్ల ఎస్‌ఐ హనుమంతరెడ్డి మంగళవారం ఉదయం గ్రామానికి వెళ్లి వివరాలు తెలుసుకున్నారు. క్లూస్ టీమ్, డాగ్ స్వ్కాడ్2ను రప్పించి ఆధారాలు సేకరించారు. మృతురాలి సోదరుడు దూద్‌వలి ఫిర్యాదు ఆధారంగా కేసు నమోదు చేసి దర్యాప్తు చేపట్టినట్లు ఎస్‌ఐ హనుమంతరెడ్డి తెలిపారు. హజరాబీని ఎవరు చంపారన్నది మిసర్టీగా ఇప్పుడు మారింది.

Also Read: భార్యకు అఫైర్ ఉందని అనుమానం.. ఆమెను చంపి భర్త ఆత్మహత్య