ఇద్దరి యువతలతో ఒకేసారి ప్రేమాయణం సాగించిన యువకుడు.. ఇరువుర్నీ పెళ్లాడేందుకు సిద్ధమయ్యాడు. ఈ విషయం తెలిసి ఓ ప్రియురాలి కుటుంబసభ్యులు నిలదీయడంతో నాటకానికి తెరతీశాడు. ఇద్దరం కలిసి ఆత్మహత్య చేసుకుందామని, మీ తల్లిదండ్రులు మన వివాహానికి అడ్డుపడుతున్నారని ప్రియురాలికి ఫోన్చేసి నమ్మించాడు. వీడియో కాల్ ద్వారా ఆమెను ఆత్మహత్యకు ప్రేరేపించాడు. ఇది నిజమేనని భావించిన ఆ యువతి.. ఉరేసుకుని బలవన్మరణానికి పాల్పడగా.. అతడు మాత్రం నిక్షేపంలా తప్పించుకున్నారు. ఈ దారుణ ఘటన కర్ణాటకలోని చామరాజనగర్ జిల్లా కొళ్లేగాల తాలూకాలో రెండు రోజుల కిందట చోటుచేసుకుంది. అంజయేనపుర గ్రామానికి చెందిన యువకుడు సిద్ధప్పస్వామి అలియాస్ ఉపేంద్ర ఇద్దరమ్మాయిలతో ప్రేమాయణం సాగించాడు. నంజమ్మణ్ణి (21) అనే యువతి కుటుంబసభ్యులు వీరి ప్రేమను అంగీకరించారు. దీంతో నంజమ్మణ్ణితో నిశ్చితార్థం జరిగింది. ఇరుకుటుంబాలు పెళ్లికి ఏర్పాట్లు చేసుకుంటుండగా.. ఉపేంద్ర మరో యువతితోనూ ప్రేమలో మునిగి తేలుతున్న విషయం నంజమ్మణ్ణి తల్లిదండ్రుల దృష్టికి వచ్చింది.
ఈ విషయం గురించి ఉపేంద్రను యువతి తల్లిదండ్రులు నిలదీశారు. తమ కుమార్తెతో నిశ్చితార్థం చేసుకుని మరో అమ్మాయితో ప్రేమ వ్యవహారం నడపటం ఏంటని నిలదీశారు. దీనికి ఉపేంద్ర షాకింగ్ సమాధానం ఇచ్చాడు. ఇరువురినీ మోసం చేయనని, పెళ్లి చేసుకుంటానని చెప్పడంతో వారు నిర్ఘాంతపోయారు. అదేలా అసాధ్యమని నంజమ్మణ్ణి తల్లిదండ్రులు నిలదీయడంతో ఉపేంద్ర ఓ మాస్టర్ ప్లాన్ వేశాడు. దీన్ని అవకాశంగా తీసుకున్న నిందితుడు.. నంజమ్మణ్ణి అడ్డు తొలగించుకోడానికి నాటకం ఆడాడు.
నేరుగా నంజమ్మణ్ణికి వీడియో కాల్ చేసిన ఉపేంద్ర.. మీ కుటుంబ సభ్యులు వేధిస్తున్నారని మన పెళ్లి జరగదని చెప్పాడు. కాబట్టి ఇద్దరం కలిసి ఆత్మహత్య చేసుకుందామని నమ్మించాడు. ఇది నిజమేనని నమ్మిన నంజమ్మణ్ణి తన ఇంట్లోనే ఉరివేసుకుని ఆత్మహత్య చేసుకున్నారు. ఉపేంద్ర మాత్రం ఉరేసుకున్నట్టు వీడియోకాల్లో నాటకం ఆడి తప్పించుకున్నాడు. కుమార్తె బలవన్మరణానికి పాల్పడటంతో కుటుంబసభ్యులు పోలీసులకు సమాచారం ఇచ్చారు. ఆత్మహత్యకు గల కారణాలను వివరిస్తూ ఉపేంద్రపై ఫిర్యాదు చేశారు.
జరిగిన విషయం పోలీసులకు వివరించడంతో కేసు నమోదు చేశారు. నిందితుడు ఉపేంద్రను పోలీసులు బుధవారం అరెస్టు చేశారు. ఈ కేసుపై దర్యాప్తు కొనసాగుతోందని కొళ్లేగాల పోలీసులు తెలిపారు. అతడిపై మోసం, ఆత్మహత్యకు పురికొల్పడం వంటి సెక్షన్ల కింద కేసు నమోదుచేశామని పేర్కొన్నారు.
ఈ విషయం గురించి ఉపేంద్రను యువతి తల్లిదండ్రులు నిలదీశారు. తమ కుమార్తెతో నిశ్చితార్థం చేసుకుని మరో అమ్మాయితో ప్రేమ వ్యవహారం నడపటం ఏంటని నిలదీశారు. దీనికి ఉపేంద్ర షాకింగ్ సమాధానం ఇచ్చాడు. ఇరువురినీ మోసం చేయనని, పెళ్లి చేసుకుంటానని చెప్పడంతో వారు నిర్ఘాంతపోయారు. అదేలా అసాధ్యమని నంజమ్మణ్ణి తల్లిదండ్రులు నిలదీయడంతో ఉపేంద్ర ఓ మాస్టర్ ప్లాన్ వేశాడు. దీన్ని అవకాశంగా తీసుకున్న నిందితుడు.. నంజమ్మణ్ణి అడ్డు తొలగించుకోడానికి నాటకం ఆడాడు.
నేరుగా నంజమ్మణ్ణికి వీడియో కాల్ చేసిన ఉపేంద్ర.. మీ కుటుంబ సభ్యులు వేధిస్తున్నారని మన పెళ్లి జరగదని చెప్పాడు. కాబట్టి ఇద్దరం కలిసి ఆత్మహత్య చేసుకుందామని నమ్మించాడు. ఇది నిజమేనని నమ్మిన నంజమ్మణ్ణి తన ఇంట్లోనే ఉరివేసుకుని ఆత్మహత్య చేసుకున్నారు. ఉపేంద్ర మాత్రం ఉరేసుకున్నట్టు వీడియోకాల్లో నాటకం ఆడి తప్పించుకున్నాడు. కుమార్తె బలవన్మరణానికి పాల్పడటంతో కుటుంబసభ్యులు పోలీసులకు సమాచారం ఇచ్చారు. ఆత్మహత్యకు గల కారణాలను వివరిస్తూ ఉపేంద్రపై ఫిర్యాదు చేశారు.
జరిగిన విషయం పోలీసులకు వివరించడంతో కేసు నమోదు చేశారు. నిందితుడు ఉపేంద్రను పోలీసులు బుధవారం అరెస్టు చేశారు. ఈ కేసుపై దర్యాప్తు కొనసాగుతోందని కొళ్లేగాల పోలీసులు తెలిపారు. అతడిపై మోసం, ఆత్మహత్యకు పురికొల్పడం వంటి సెక్షన్ల కింద కేసు నమోదుచేశామని పేర్కొన్నారు.