కూతురితో ప్రేమ వద్దని హెచ్చరించిన కుటుంబం.. షాకిచ్చిన ఆమె ప్రియుడు.!

ప్రేమించి పెళ్లి చేసుకున్నందుకు కూతురి భర్తలను దారుణంగా చంపేస్తున్న ఘటనలు ఆందోళన కలిగిస్తుంటే.. ఓ యువకుడు మాత్రం ప్రియురాలి తండ్రికి ఊహించని షాకిచ్చాడు. కూతురితో ప్రేమ వద్దని హెచ్చరించారన్న కోపంతో ఏకంగా ప్రియురాలి తండ్రి దుకాణాన్ని తగలబెట్టేశాడు. ఆలస్యంగా వెలుగులోకి వచ్చిన ఈ దారుణ ఘటన మహారాష్ట్ర రాజధాని ముంబైలో జరిగింది.

ఈ నెల పదో తేదీన ముంబైలోని ఓ దుకాణం తగలబడింది. షార్ట్‌సర్క్యూట్ కారణంగానే షాపు తగలబడిందని అంతా భావించారు. అయితే ఓనర్ తన షాపుకి దగ్గరలోని మరో దుకాణంలో ఏర్పాటు చేసిన సీసీటీవీ ఫుటేజీలను పరిశీలించడంతో తన షాపు షార్ట్ సర్క్యూట్ కారణంగా తగలబడలేదని తెలిసింది. కూతురి ప్రియుడు షాపులోకి నిప్పు విసురుతున్న దృశ్యాలు చూసి షాక్‌‌కి గురయ్యాడు.

Also Read: కరెంట్ బిల్లు కట్టావా అంటూ ఇంట్లో దూరిన లైన్‌మెన్.. ఆమె చేయిపట్టుకుని..

ఇంతకీ విషయమేంటంటే.. 21 ఏళ్ల యువతిని అదే ప్రాంతానికి చెందిన రాహుల్ పాశ్వాన్ అనే యువకుడు ప్రేమించుకున్నారు. ఆ విషయం అమ్మాయి కుటుంబ సభ్యులకు తెలియడంతో రాహుల్‌ని హెచ్చరించారు. కూతురితో ప్రేమ వ్యవహారం మానేయాలని బెదిరించడంతో రాహుల్ కోపం పెంచుకున్నాడు. ప్రియురాలి తండ్రి షాపుని తగలబెట్టాడు. దుకాణంలో నిప్పు విసిరేయడంతో షాపు మొత్తం కాలిపోయింది. యువతి తండ్రి ఫిర్యాదు మేరకు పోలీసుల కేసు నమోదు చేసి రాహుల్ కోసం గాలింపు చర్యలు చేపట్టారు.

Read Also: కన్నతండ్రి గొంతుపై కాలేసి తొక్కిన కర్కోటకులు.. ఆస్తి కోసం అమరావతిలో ఘోరం