నానమ్మని చంపేసిన మనవడు.. ఆస్తి తగ్గిందని.. రంగారెడ్డిలో దారుణం

మగబిడ్డతో సహా ఆడబిడ్డలకు ఆస్తిని పంచిందన్న కోపంతో వృద్ధురాలిని ఆమె మనవడు దారుణంగా హత్య చేసిన ఘటన రంగారెడ్డి జిల్లాలో చోటుచేసుకుంది. శంకర్‌పల్లి మండలం ఎల్లవర్తికి చెందిన వృద్ధురాలికి ఒక కొడుకు, ముగ్గురు కుమార్తెలు. అందరికీ వివాహాలు అయిపోయాయి. ఈ క్రమంలో తన ఆస్తిని కొడుకుతో సహా కూతుళ్లకు కూడా రాసి ఇచ్చింది. అది మనవడి(14)కి మింగుడుపడలేదు.

ఆస్తి అంతా తన తండ్రికి వస్తుందనుకుంటే నానమ్మ మేనత్తలకు కూడా రాసివ్వడాన్ని జీర్ణించుకోలేకపోయాడు. కూతుళ్లకి ఇచ్చిన ఆస్తిని తన తండ్రి పేరిట రాసివ్వాలని వృద్ధురాలిపై ఒత్తిడి చేశాడు. ఆమె ససేమిరా అనడంతో కోపంతో నానమ్మపై పెట్రోల్ పోసి నిప్పంటించాడు. ఆమె మంటల్లో కాలిపోయి అక్కడికక్కడే ప్రాణాలు కోల్పోయింది. సమాచారం అందుకున్న పోలీసులు సంఘటన స్థలానికి చేరుకుని మృతదేహాన్ని పరిశీలించారు. మృతదేహాన్ని పోస్టుమార్టం నిమిత్తం ఆస్పత్రికి తరలించారు. పరారీలో ఉన్న నిందితుడి కోసం గాలింపు చర్యలు చేపట్టారు.

Also Read: డ్రైవర్‌తో కూతురి ప్రేమ.. తండ్రికి తెలిసిపోవడంతో..Also Read: లేడీ ఎస్సై వేధింపులు.? గుంటూరు యువకుడి ఆత్మహత్య