Fact Check: తలపాగాతో మోదీ. భక్తులపై సెటైర్లు.. అసలేం జరిగింది?

విషయం: ప్రధాని నరేంద్ర మోదీ సౌదీ అరేబియాలో పర్యటించగా.. ఆయనకు సంబంధించిన కొన్ని ఫొటోలు సోషల్ మీడియాలో హాట్ టాపిక్‌గా మారాయి. సౌదీ అరేబియా, దుబాయ్ ప్రాంతాల్లోని వారి తరహాలో తలపాగా ధరించారని.. దుబాయ్ షేక్ అవతారంలో మోదీ అని కామెంట్లు చేస్తున్నారు.

‘ఐటీ అండ్ సోషల్ మీడియా సెల్ కాంగ్రెస్’ అనే ఫేస్ బుక్ అకౌంట్‌లో ‘భక్తులారా మీరు ముస్లింలను బహిష్కరించగలరు, మీ ఫాదర్‌ను కాదంటూ’ ఫొటోలు పోస్ట్ అయ్యాయి.
Also Read: ‘భారత్ మాతా కీ జై’ అన్నందుకు చావబాదారా?

మోదీ ధరించినట్లుగా ఉన్న ఫొటోతో పలువురు నెటిజన్లు ట్విట్టర్ లోనూ స్పందించారు. మైఫెల్లోఇండియన్స్ అనే ట్విట్టర్‌ ఖాతాలో హిందీలో చేసిన ఆ పోస్ట్ వివరాలిలా ఉన్నాయి.. డబ్బులే దైవం కాదు. నువ్వు ఎంతవరకు ఎదిగినా డబ్బులు దైవంతో తక్కువేం కాదు. హిందువుల ఆరాధ్య నేత ఆర్థికపరమైన పెట్టుబడుల కోసం తలపాగా ధరించారని ట్వీట్‌లో పేర్కొన్నారు.
Also Read: ఆంధ్రాలో డబ్బాల చొప్పున ఇసుక అమ్మకం.. అసలు నిజం ఇదే!

నిజం: రియాద్ గవర్నర్‌, హెచ్ఆర్‌హెచ్ ప్రిన్స్ ఫైసల్ బిన్ బందర్ అల్ సౌద్ తనను ఆహ్వానించేందుకు వచ్చిన సందర్భంగా ప్రధాని మోదీ ఆత్మీయంగా మాట్లాడుతున్న సమయంలో తీసిన ఫొటోను ఎడిటింగ్ చేశారు. ఒరిజినల్ ఫొటోలో మాత్రం కేవలం ఫైసల్ మాత్రం తలపాగా ధరించారు.

పరిశీలన: భారత విదేశాంగశాఖ అధికార ప్రతినిధి రవీష్ కుమార్ తన ట్విట్టర్‌లో అక్టోబర్ 29, 2019న పోస్ట్ చేసిన ఫొటోలు పరిశీలిస్తే అసలు నిజం తెలుస్తుంది. సౌదీ పర్యటనకు విచ్చేసిన ప్రధాని మోదీకి.. రియాద్ గవర్నర్ సాదర స్వాగతం పలికారని రవీష్ కుమార్ పేర్కొన్నారు.

ప్రధాని కార్యాలయం సైతం మోదీ సౌదీ అరేబియాలో కాలుపెట్టిన సందర్భంగా ఈ ఫొటోలను ట్వీట్ చేసింది.

నిర్ధారణ: రియాద్ గవర్నర్‌ను కలిసిన సమయంలో ప్రధాని నరేంద్ర మోదీ స్థానిక అరబ్ షేక్ తరహాలో తలపాగా ధరించారన్నది నిజం కాదని టైమ్స్ (సమయం) ఫ్యాక్ట్ చెక్ టీమ్ గుర్తించింది. మోదీ తలపాగా ధరించినట్లుగా ఫొటోషాప్‌లో ఎడిట్ చేసిన ఫొటోను సోషల్ మీడియాలో పోస్ట్ చేయడంతో వైరల్ అయింది.
Read this in ENGLISHAlso Read: జల్లికట్టుకు ప్రత్యేక అతిథిగా రష్యా అధ్యక్షుడు విచ్చేస్తున్నారా?