రేషన్ డీలర్ నిర్ణయం
నిజం: ప్రస్తుతం వైరల్ అవుతున్నది ఏపీకి సంబంధించిన రేషన్ కార్డు ఫొటో. కానీ ఆ కార్డును ఏపీ ప్రభుత్వం ముద్రించి రేషన్ డీలర్లకు అందించిందని విమర్శలు వస్తున్నాయి. వాస్తవానికి అది రేషన్ డీలర్ సొంతంగా ముద్రించిన రేషన్ కార్డు. గతంలో హిందూ దేవుళ్ల ఫొటోలతో సైతం రేషన్ డీలర్ కార్డులు ముద్రించి తన రేషన్ షాపులో సరుకులు తీసుకెళ్లే వారికి ఇచ్చారని సమాచారం.
పరిశీలన
రేషన్ కార్డులపై జీసస్ ఫొటో విషయంపై గూగుల్‌లో వెతకగా ఆసక్తికర అంశాలు తెలిశాయి. తూర్పుగోదావరి జిల్లా వడ్లమూరులోని ఓ రేషన్ దుకాణంలో డీలర్ ఈ విధంగా రేషన్ కార్డులపై ఏసుక్రీస్తు ఫొటో ముద్రించారని స్పష్టమైంది. ‘ప్రతి ఏడాది దేవుడి ఫొటోలతో రేషన్ కార్డులు ముద్రిస్తాం. వినియోగదారుల నుంచి రూ.5మేర తీసుకుంటాం. అయితే ఈ ఏడాది ఏసుక్రీస్తు బొమ్మ ముద్రించాం. ఏపీ ప్రభుత్వానికి, ఈ రేషన్ కార్డుకు ఏ సంబంధం లేదని’ రేషన్ షాపు డీలర్ భర్త సత్య సాయిరాం ఏబీఎన్ ఆంధ్రజ్యోతితో మాట్లాడుతూ ఈ విషయాలు వెల్లడించారు. (Photo Credit/indiatoday.in)
Fact Check: అయోధ్య రామ మందిర నిర్మాణానికి అంబానీ రూ.500 కోట్లు ఇచ్చారా?
ప్రభుత్వ నిర్ణయం కాదు
నిర్ధారణ: రేషన్ కార్డులపై జీసస్ ఫొటోలు ముద్రించడం అనేది వైఎస్ జగన్ ప్రభుత్వ నిర్ణయం కాదని, ఓ రేషన్ డీలర్ ఆ కార్డులు చేపించారని స్పష్టమైంది. గతంలో హిందూ దేవుళ్ల ఫొటోలు ముద్రించామని, ప్రస్తుతం జీసస్ ఫొటోను ముద్రించినట్లు రేషన్ డీలర్ భర్త మీడియాతో మాట్లాడటం తెలిసిందే.
Fact Check: ముంబైలోని Shiv Sena భవన్‌పై సోనియా గాంధీ ఫొటోనా?